Psalmo 16

Arakh ma, o Del! ke rodav ande tute te garadiovav.

₂Me phenav le Bare Devleske: Tu san muřo Baro,

Tu san muřo lašio amperato!

₃Le svintsi kai si ande o them,

Le manuš kai patian si mange sa muřo drago.

₄Butiaren le xoxamne dela, našen pala le dela streia;

Me či dav muial lengo rat,

Me nai ma lengo anav pe muře vuš.

₅O Baro Del si muři partia ai muřo taxtai;

Tu dian ma so si muřo;

₆E rig muřia phuviaki si ande jekh šukar than,

Jekh šukar diela si ma dino.

₇Me svintsov le Bare Devles, kai sikiarel ma;

Ai riate muřo ilo del ma zor.

₈Si ma sakda o Baro Del angla muře jakha;

Kana si pe muřo čačo vast, či perav.

₉Kadia muřo ilo si ande o veselimos,

Muřo duxo ande e veselia,

Ai muřo stato hodinil garado.

₁₀Ke tu či mukes muřo duxo kai si le mule,

Tu či mukesa kas tu pria kames te dikhel e vurma kai rimol pe.

₁₁Tu keresa te žianav e vurmitsa le traioski;

Si but veselimos angla tjire fatsa,

Šukarimata sakda pe tjiro čačo vast.