Psalmo 15

O Baro Del kon šai bešel ande tjiri tseřa?

Kai pe tjiro svinto plai?

₂Kudo kai phirel ande o čačimos, kudo kai kerel vorta

Ai kai phenel o čačimos sar si lesko ilo.

₃Vo či athavel la šibasa,

Vo či kerel nasul peske vortakoske,

Vo či thol pharimos pe pesko vortako.

₄Vo dikhel vuřito kudales kai si vuřito,

Numa luvudil kudales kai daral katar o Baro Del;

Vo či del pe palpale, te avela les jekh solax, makar te dukhal

₅Vo či mangel mai but pa pesko lov,

Ai vo či kamel te lel mita pe kudo kai nai došalo.

Kudo kai kerel kadia či perela.