1Luvudin le Bare Devles, ke vo si lašio,
Ke leski mila žial pe sakda!
2Ke kadia phenen le kjinde katar o Baro Del,
Kudala kai skipisardias le anda o vast le dušmanosko,
3Ai kai vo kjidias anda sa le thema,
Andias tumen pa le štar kolčuri la lumiake.
4Von phirenas ande e pusta, von phirenas korkořo,
Bi t'arakhen jekh foro kai šai bešen.
5Von kjinuinas ande e bokh ai ande e truš;
Lengo duxo perelas tele.
6Ande pengo nekazo, von tsipisarde pe o Baro Del,
Ai vo ankaladias le avri anda lengi dar;
7Vo ningerdias le pa e čači vurma,
T'aresen ande jekh foro bešimasko.
8Ke te luvudin le Bare Devles pala lesko mištimos,
Ai pe leske šukarimata kai kerdias mištimos le šiavenge katar o manuš!
9Ke vo dias pai kudalen kai sas lengo duxo trušalo,
Vo pherdias mištimasa o duxo bokhalo.
10Kudala kai bešenas ande o tuniariko ai ande e ušialin le merimaski,
Trainas phangle ande o čořimos ai ande le lansuri,
11Ke von buntuisaile pe e vorba le Devleski,
Ke von vuřitsisarde so phenelas lengo o Mai Vučo.
12Vo perardias lengo ilo katar e dukh;
Von merenas, ai khonik či ažutilas le.
13Ande lengo nekazo, von tsipisarde pe o Baro Del,
Ai vo skipisardias le anda lengi dar;
14Vo ankaladias le avri anda o tuniariko ai anda e ušialin le merimaski,
Ai vo šindias lenge phanglimata.
15Ke te luvudin le Bare Devles pala leski mištimos,
Ai pala leski šukarimata kai kerdias le šiavenge katar o manuš!
16Ke vo phaglias le vudara abčineske,
Vo phaglias le leketuri sastrune.
17Le dile, kai sas došale
Ai katar lenge bezexa, von aresle čoře.
18Lengo duxo vuřitsilas sa o xamos,
Ai von asbanas le vudara le merimaske.
19Ande lengo nekazo, von tsipisarde pe o Baro Del,
Ai vo skipisardias le anda lengi dar;
20Vo tradias peski vorba ai sastardias le,
Vo kerdias te skipin anda e groapa.
21Ke von te luvudin le Bare Devles pala lesko mištimos,
Ai pala leske šukarimata mištimasa ka le šiave katar o manuš!
22Ke te den sakrifisuri šukar,
Ai ke te von mothon leske butia tsipimasa veseli!
23Kudala kai vuliste pe e maria ande le čunuri,
Ai kai keren butji pe le bare paia,
24Kudala dikhle le butia le Bare Devleske
Ai leske šukarimata maškar e hunia.
25Vo phenel, ai kerdias te phurdel o zuralo balval,
Kai vazdel le talazuria la mariake.
26Von anklenas karing o čeri, vulenas ande e hunia;
Lengo duxo sas xasardo angla e dar;
27Lias le e dar, von miškinas sar jekh manuš mato,
Ai sogodi sas sikiardo nas khančesko.
28Ande pengo nekazo, von tsipisarde ka o Baro Del,
Ai vo ankaladias le anda lengi dar;
29Vo ašiavel o zuralo balval, kerdias te ašel,
Ai le talazuria telile.
30Von veselisaile ke von ašile,
Ai o Baro Del ningerdias le ka o porto kai kamen.
31Te luvudin le Bare Devles pala lesko mištimos,
Ai pala leske šukarimata le šiavenge katar o manuš!
32Te vazden les ande o kjidinimos le narodosko,
Ai te den les pativ kai kjiden pe le phure!
33Vo kerel pusta anda le paia,
Ai katar peren le paia keren phuv šuki,
34Anda o them barvalo kerel them lonalo,
Pala o nasulimos leske narodosko.
35Vo kerel balta anda e pusta,
Ai kerel paia anda e phuv šuki,
36Ai vo thodias kudalen kai sas bokhale.
Von thode jekh foro te bešen;
37Von hunade kimpuri, thode reza,
Ai von kjidine so dine.
38Vo svintsosardias le, ai von aresle but,
Ai vo či telardias lenge žigeni.
39Si von mai tsiřa ai dine po lažiav
Katar o pharimos, o nekazo ai e dukh;
40Del vo o vuřitsimos pe le bare,
Kerel vo te xasavon ande e pusta bi vurmako,
41Vo vazdel le prostos ai skipil les anda o čořimos,
Vo butiarel le famili sar le žigeni.
42Le manuš vorta dikhen les ai veselin pe,
Numa sako bezex phandavel o mui.
43Ke kudo kai si godiaver te lel sama kadala dieli,
Ai te lel sama mišto ka o lašimos le Bare Devlesko.
