Psalmou 145

₁Da uchelaat a rinn meurbed, o Doué, va roué; hag e venniginn da hano a vrema ha da vikenn.

₂Bemdez e venni-ginn ac’hanod; hag é veulinn da hano a vrema ha da vikenn.

₃Braz eo ann Aotrou; talvezout a ra e ve meulet-meurbed, hag hé veurded a zo divent.

₄Eur rumm a veu-lo da oberiou da eur rumm all, bag a em-banno da c’halloud.

₅Komza a rinn euz a gaerded da c’hloar, hag e lavarinn da vurzudou.

₆Komza a raint euz a nerz da oberiou spountuz, hag e lava-rinn da c’halloud.

₇Embanna a raint kré pegen braz eo ar zonj euz da vadelez; kana a raint divarben da lealded.

₈Trugarezuz ha tru-ezek eo ann Aotrou; habask eo, ha leun a drugarez;

₉Mad eo ann Aotrou e-kenver ann holl; hag e drugarezou a weleur enn he holl oberiou.

₁₀Da holl oberiou a veulo ac’hanod Aotrou, ha da zent a vennigo ac’hanod.

₁₁Gloar da rén a lavarint, ha da c’hal-loud a embannint.

₁₂Evit rei da ana-out da vugalé ann dud da c’halloud, ha gloar braz da ren.

₁₃Da rén a zo rén war ann holl oajou, ha da c’halloud a bad a rumm da rumm.

₁₄Ann Aotrou a harp ar re holl a zo daré da goueza; hag a zav ar ré holl a zo kroummet.

₁₅Daoulagad ann holl a zo troet etrezeg enn-od; ha te a ro d’ezho ho hoed pa ve-zo ar maré.

₁₆Da zourn a zi-gorez ha kement a zo beo ho deuz a-walc’h euz da vadelez.

₁₇Leal eo ann Aotrou enn he holl hen-chou: ha santel enn he holl oberiou.

₁₈Tost eo ann Aotrou d’ar re holl a c’halv anezhan; dar ré holl a c’halv anez-han er wirionez.

₁₉Ober a rai ar pez a fell d’ar ré a zouj anezhan: hag a zelaouo oud ho feden; hag e tieubo anezbo.

₂₀Ann Aotrou a zi-wall ar ré holl a gar anezhan; hag a gollo ann holl bec’herien.

₂₁Va genou a em-banno meuleudi ann Aotrou; ra vennigo pep kik he hano santel a vrema ha da vikenn.