Psalmou 139

₁O Aotrou, te ec’h euz gwelet, hag anavezet ac’hanoun.

₂Te a anavez ac’hanoun, pa ounn o tis-kuiza, ha war valé, te as peuz gwelet euz a bell va sonjezonnou.

₃Te az peuz taolet e vez oud ar gwenoden-nou a voa d’in da bale dre-z-ho, hag oud va gwele da chourvez, ha va holl henchou az peuz anavezet mad.

₄Abarz ma oa ger em zeod, chetu, te Aotrou, ec’h euz anavezet pep hini anezho.

₅Te am dalc’h stard a-raok hag adre, ha lakeet ec’h euz da zourn war-n-ounn.

₆Da skiant a zo kêr burzuduz ha ken huel dreist va spered; ne c’hellinn he zizout birviken.

₇Peleac’h ez inn evit pellaad diouc’h da spered? ha peleac’h evit tec’hout a zira-z-ond?

₈Mar pin̄ann enn en̄v, te a zo eno; mar tiskennann enn ifern, emoud eno.

₉Mar kemerann diou askel ar goulou deiz, ha mar d’ann da choum d’ar penn all euz ar mor;

₁₀Da zourn da unan a gaso ac’hanoun, ha da zourn a harpo ac’-hanoun.

₁₁Ma lavarann c’hoaz, evit gwir ann devalien a guzo ac’hanoun; ann noz zo-ken a vezo sklerijen enn dro d’in.

₁₂Rag ann devalien ne ket teval dira-z-od; hag ann noz a zo sklear evel ann deiz: ann devalien hag ar c’houlou a zo henvel dira-z-od.

₁₃Rag va digroazel a zo bet d’id; va goloet ec’h euz e kof va mamm.

₁₄Da veuli kaer a rinn, o veza ma ec’h euz krouet ac’hanoun enn eunn doaré burzuduz; souezuz eo da oberiou; ha va éne her goar ervad.

₁₅Ne voa ket kuzet va eskem ouz-id, te ec’h euz ho great holl enn amc’houlou; na va danvez a oa é gwe-led ann douar.

₁₆Da zaoulagad ho deuz va gwelet ha me dizoaré; hag ann holl draou-ze a oant skrifet enn da levr, ann devez ma’z int bet great, pa ne voa c’hoaz hini anezho.

₁₇Dre ze Doué kre, d’in me eo kaer da vennosiou, hag ho ni-ver a zo braz-meur-bed!

₁₈Mar niverann a-nezho, hi a zo stankoc’h eget treaz ann aot: setu me dihu-net ha gan-ez emoun c’hoaz.

₁₉E gwirionez o Doué te a lazo ar be-c’herien: tud a c’hoad, pellait diouzin.

₂₀O veza ma lavaront drouk enn da enep, ha da enebourien a gemer da hano evel netra.

₂₁Ha n’em euz ket kaséet Aotrou ar ré a gasée ac’hanod: ha n’em beuz me ket kasouni oud ar ré a gasée, ac’hanod?

₂₂Gand eur c’has krenn e kaseen an-ezho; hag hi a zo deuet da enebourien d’in.

₂₃C’houil ac’hanoun o Doué hag anavez va c’haloun: gra goulen-nou ouz-in, hag ana-vez va sonjezonnou:

₂₄Gwel, hag ema enn-oun hent ar falla-griez; ha digas ac’hanoun enn hent peurbaduz.