Psalmou 112

₁Meulit ann Aotrou. Euruz eo ann den a zouj ann Aotrou, hag a ra a galoun hervez he c’hourc’hemennou.

₂Galloudek e vezo he wenn war ann douar, wenn ann dud leal a vezo benniget.

₃Ar pinvidigesiou hag ar madou a vezo enn he di, hag be justis a choum da-vikenn.

₄Euz a greiz ann devalien eo savet ar goulou war ar ré léal; hegarad eo ha trugarezuz ha just.

₅Ann deu mad a zo drugarezuz, hag a brest d’ar paour: hag a laka he afferiou e-reiz.

₆Evit gwir na vezo bikenn horjellet; en-vor ann den leal a vezo peurbaduz.

₇N’en devezo ket a aoun rag ar chelou fall; he galoun a zo stard oc’h en em fisia enn Aotrou.

₈Stard eo he galoun: n’en devezo ket a aoun, kén na zisprizo he enebourien.

₉Skūlet en deuz, ha roet d’ar beorien; he lealded a bad a-oad da oad; hé c’halloud a vezo savet er c’hloar.

₁₀Ar pec’her her gwelo, hag e savo droug enn-han; skri-n̄a a rai he zent hag e tizec’ho, hogen c’hoant ar bec’herien a ielo da goll.