Psalmo 1

₁Veselo o manuš kai či phirel sar sikiaren les le nasul,

Kai či terdiol pe e vurma kai si le bezexale,

Ai kai či bešel kudalensa kai maren mui,

₂Numa kai si les leski dragostia ande o zakono le Bare Devlesko,

Ai kai bulguil ka o zakono diese ai riate!

₃Si vo sar jekh kopači thodini paša o pai kai pitial,

Kai del peski fruta kana si vramia,

Ai kai le patria či rimon pe;

Sogodi vo kerel niril.

₄Nai kadia le nasul:

Von si sar o šuko sulum kai e balval řipizil.

₅Sa anda kudia le nasul naštin te bešen o dies la krisako,

Či le bezexale ande e kumpania kai si le čače;

₆Ke o Baro Del žianel e vurma le čačengi,

Ai e vurma le bezexalengi ningerel ka o phařaimos.