1Sostar kado buntuimos maškar le thema streia,
Kadala intaino ginduri maškar le naroduri?
2Sostar le amperatsi la phuviake ušten von
Ai le prinsuri den pe duma lensa
Pe o Baro Del ai pe lesko svinto?
3Te šinas lenge phanglimata,
Skipisaras ame anda lenge lansuri!
4Kudo kai bešel ande le čeri asal,
O Baro marel mui lendar.
5Porme vo del duma lensa ande peski xoli,
Vo daravel le ande peski bari xoli;
6Me thodem muře amperatos
Pe o Sion, muřo plai svintsime!
7Me phenava o alomos;
O Baro Del phendias mange: Tu san muřo šiav!
Me kerdem tu adies.
8Mang mandar ai me dava tu le thema streia t'aven tjire,
Le gora la phuviake te les le;
9Tu phařavesa le jekha řaiasa sastruni,
Tu phařavesa le sar jekh kanta katar o kantari.
10Ai akana, amperatsi, žian angle godiasa!
Den kris pe e phuv, sikion!
11Služin le Bare Devles darasa,
Ai veselin tume isdramasa.
12Čumiden le šiaves, daratar te na xoliavol,
Ai ke tume te na xasavon ande tumari vurma,
Ke leski xoli si sigo te lel pařa.
Veselo t'aven sa kudala kai patian pe ande leste!
