Romanuri 11

₁Me phenav kadia: O Del šiudias vo pesko narodo? Dur kothar! Ke vi me sim Israelito, anda e vitsa katar o Abraham, anda e kumpania o Beniamin. ₂O Del či šiudias pesko narodo, kai prinžiardias les angla savořende. Či žianen tume so phenel o Ramomos pa o Elia, sar vo vatisailo le Devleske kakale divanosa pe o Israel: ₃Baria, von mudarde tjire profeton ai phagle le altaria; me ferdi ašilem, ai von roden te len muřo traio? ₄Numa so dias les palpale o Del? Me garadem mange efta mii manuš, kai či dine čanga angla o Baal. ₅Vi sa jekh fialo ande e vramia akana mai ašilias tsiřa manuš, sar alosardias o mištimos le Devlesko. ₆Eta, avela katar e dragostia, manai katar le butia. Te na, e dragostia le Devleski manai čačes dragostia.

₇So te phenav? O narodo Israel či lias so rodelas. Ferdi kudala kai o Del alosardias line les žikin le kaver zuriarde pe? ₈Sar si ramome: O Del dias len jekh duxo sovimasko, jakha te na dikhen, ai kan te na ašunen, ži adies.

₁₁Me phenav kadia: Kana miškisaile le Židovuri, pele von ai našti mai vazden pe? Dur kothar! Numa, ke von pele tele, o skipimos šai t'avel pe le thema, eta te lel le Židovon e žaluzia. ₁₂Eta, sar le Židovuri pele tele e lumia barvalili, ai lengo kovlimos avilo o barvalimos le themengo; sar mai but avela kana von pařuvena pe.

₁₃Me phenav les tumenge, kai či patian: Ke sim me apostolo kudalenge kai či patian, me veseli ma ande e butji kai si muři, ₁₄eta, te šai daštiv, te xoliarav kudalen anda muři vitsa, ai te šai skipiv unen. ₁₅Ke pala lengo šindimos e lumia astardili ande jekh than le Devlesa, so avela kana vi von si ande jekh than, te na niči jekh traio maškar le mule?

₁₆Eta, t'avel o mai angluno kotor manřesko ke den les le Devleske, sa so mai si anda o manřo si lesko; ai te le vuni si svinto, le kaštoře vi von si le Devleske. ₁₇Numa t'avela ke uni anda le kaštoře maslinake si šinde, ai ke tu, kai sanas jekh kopači maslini sirbato, sanas thodino ande lengo than, ai san astardo kašt maslinako kai e vuna ai ka o čiken la maslinako. ₁₈Na luvudisavo katar kudala kaštoře. Te si te luvudis tu, te žianes ke či san tu kai ninkeres e vuna, numa e vuna ninkerel tut.

₁₉Tu phenasa kadia: Le kaštoře sas šinde, eta ke me t'avas astardo kothe. ₂₀Kudia si čačimos; von sas šinde pala ke či patian, ai tu, tu bešes katar o patiamos. Na muk tu ka le barimata, numa dara; ₂₁ke te si o Del kai či lias sama katar le kaštoře kai barile, vo či lela sama či tutar. ₂₂Dikh sar si o lašimos ai e xoli le Devleske: Xoli pe kudala kai pele tele, ai mištimos le Devlesko karing tute, te bešesa tu zuralo ande kudo mištimos; aver fialo, tu avesa šindo. ₂₃Von sa jekh fialo, te na mukena pe ande pengo dilimos, von avena astarde; ke o Del si zuralo te mai astarel len. ₂₄Te tu, tu sanas šindo katar o kopači maslini kai si sirbato, ai astardo kai či trubul pe o kopači e bariardo. Sar mai but von avena astarde vi von pe pengo kopači maslini.

₂₅Ke me kamav, phralale, ke te žianen tume kado čačimos garado eta te na gindisaren tumenge ke san godiaver, si ferdi jekh partia anda o Israel ke nai harniko te hatiarel, žikin či sa kudala kai či patian den andre. ₂₆Ai kadia sa o Israel avela skipime, sar si ramome:

₂₇Ai avela muři patia lensa, kana me lava lenge bezexa.

₂₈Anda so si e Nevi Viasta, von si dušmaia pala tumende; numa so si anda o alomos, kamen len pala lenge dada. ₂₉Ke o Del či keil pe so vo del ai so vo akharel. ₃₀Sa kadia kai tume angla savořende či patiaian le Devles numa, akana ke le Židovuri či patiaie, tume akana lian mila. ₃₁Sa jekh fialo von akana či patian, eta ke vi pe lende t'avel e mila katar e mila kai si pe tumende. ₃₂Ke o Del phanglias sa le manušen te na patian, t'avel leske mila anda savořenge.

₃₃Sar o barvalimos le Devlesko si baro, leski godji ai so žianel si pria andre! Sar leske krisa naštisaras te zumavas le! Kon šai hatiarel so vo kamel? Ke — ₃₄sar phenel o Ramomos:

₃₆Si lestar, katar leste, ai leske ke si sa le dieli. Leske o vestimos ande sa le berš beršenge! Amen!