Romanuri 10

₁Phralale, so kamel muřo ilo ai muřo řudjimos le Devleske lenge, si t'aven skipime. ₂Me sim lenge marturo ke von žian angle le Devleske, numa bi godiako: ₃Či žianen e kris le Devleski, ai roden ke thon pengi kris, von nai thodine tela e kris le Devleski; ₄ke o Kristo getol o zakono, te kerel vorta angla o Del sa kudalen kai patian.

₅Čačimasa, o Moše sikavel kadia sar te avel vorta katar o Zakono: O manuš kai lel opre kudala dieli traila lendar. ₆Numa eta sar del duma sar te avel vorta katar o patiamos: Na phen ande tjiro ilo: Kon anklela ande o čeri? (Si te vuliarel le Kristos;) ₇vai: Kon vulela ande e vunia? (Si te kerel t'anklel o Kristo maškar le mule.) ₈So phenel vo? E vorba si paša tute, ande tjiro mui ai ande tjiro ilo. Eta, si e vorba le patiamaski, kai ame phenas. ₉Te avela te phenas pa tjiro mui ke o Jesus si o Baro, ai te patiasas tu ande tjiro ilo ke o Del živindisardias les katar le mule, tu avesa skipime. ₁₀O manuš patial anda o ilo ai o Del kerel les vorta, ai o manuš phenel pa pesko mui ai aresel ka o skipimos. ₁₁Sar ke phenel o Ramomos: Kon-godi patialas pe ande leste či avela lažiavdo. ₁₂Savoře si jekh fialo, čačimasa, o Židovo ai o Greko, ke len si le jekh Baro, kai si vo barvalo ka kudalenge kai akharen les. ₁₃Ke kon-godi akharel o anav le Baresko avela skipime.

₁₄Sar akharena von kudales ande savo von či patian? Ai sar patiana von ande kudo kai von či ašunde ke den duma pa leste? Ai sar ašunena von pa leste, te nai khonik te den duma? ₁₅Ai sar avena len manuš kai den duma, te na avena tradine? Sar si ramome: So si šukar le punře kudalenge kai phenen e laši viasta! ₁₆Numa sa či patian ande e laši viasta. Kadia o Esai phenel: Baria, kon patiaias ka amari vorba? ₁₇Kadia o patiamos avel anda so ašunas, ai so ašunas avel katar e Vorba le Kristoski.

₁₈Numa me phenav: Či ašundine von? Aver fialo!

₁₉Numa me pušiav: O Israel či hatiardias vo? O Moše, o mai angluno, phenel:

₂₁Numa pala o Israel vo phendias: Me vazdem muře vast sako dies karing jekh narodo buntuimasko ai kai del palpale.