Psalmo 77

₂Muřo hango uštel ka o Del, ai me tsipiv;

Muřo hango uštel ka o Del, ai vo ašunel mande.

₃O dies kai sim nekežime, me rodav le Bares;

E riate, muře vast si opre bi te mukav ma;

Muřo duxo či kamel te miluin les.

₄Me dav ma godji ka o Del, ai me vativ ma;

Me dav ma godji, ai muřo duxo si tele.

₅Tu ninkeres muře jakha te na soven;

Ai, ande muřo dilimos, naštiv te dav duma.

₆Dav ma godji ka le purane diesa,

Ka le kaver berš.

₇Me dav ma godji ka muře gjili e riate,

Me gindiv ma ande muřo ilo,

Ai muřo duxo gindil:

₈O Baro šiudela les vo pe sakda?

Či mai avela vo mišto?

₉Leski dragostia si voi sakda gata?

Leski vorba si voi biladi sogodi avela?

₁₀O Del busterdias vo t'avel leske mila?

Ande leski xoli, lias palpale peski mila?

₁₁Me phenav: So si muři dukh,

O čačimos le Mai Vučo nai sa jekh fialo.

₁₂Me phenava le butia le Bare Devleske,

Ke me dav ma godji ka tjire šukarimata angla savořende;

₁₃Me dava duma anda sa tjire butia,

Me phenava tjire bare dieli.

₁₄O Del! tjire vurmi si svintsi;

Savo del si baro sar o Del?

₁₅Tu san o Del kai kerel šodo;

Tu sikadian maškar le naroduri tjiri zor.

₁₆Katar tjiro vast tu skipisardian tjire narodos,

Le šiave katar o Jakob ai katar o Josef.

₁₇Le paia dikhle tu, o Del!

Le paia dikhle tu, von isdraile;

Le uni lias le e mila.

₁₈Le nuveria den muial o pai bares,

O řondieto bašel ande le nuveria;

Ai tjire sulitsi vurian katar pe sako rig.

₁₉Tjiro řondieto phařadiol ande o kolimos,

Le strefiaimata strefian e lumia;

E phuv mila sas lake ai isdral.

₂₀Tu šines jekh vurma ande e maria,

Jekh vurmitsa ande le bare paia,

Ai tjire semnuri či prinžiarde le.

₂₁Tu ningerdian tjire narodos sar jekha trupa,

Katar o vast le Mošesko ai le Aronosko.