1Ka o birevo kudalengo kai gjilaben. Le šiavenge le Koreske. Psalmo.
2Tume sa, naroduni, maren le vast!
Phurden karing o Del tsipimata veseli!
3Ke o Baro Del, o Mai Vučo, kai daravel,
Vo si jekh baro amperato pe sa e phuv.
4Vo thol tela amende narodon,
Vo thol themen tela amare punře;
5Vo alosardias amenge so si t'avel amaro,
O vestimos le Jakobosko kai vo kamel.
6O Del anklel maškar le tsipimata nirimaske,
O Baro Del žial angle pe o bašimos la tuturiazako.
7Gjilaben le Devleske, gjilaben!
Gjilaben amare amperatoske, gjilaben!
8Ke o Del si amperato sa la phuviako:
Gjilaben jekh gjili!
9O Del amperetsil pe sa le thema,
O Del si les te bešel pe o skamin amperatisko.
10Le prinsuri le narodoske kjiden pe
Ka o narodo le Devlesko katar o Abraham;
Ke le Devleske si le fedevia la phuviake.
Vo amperatisko si uštiado.
