1Ka o birevo kudalengo kai gjilaben. Psalmo le Davidoske.
2Ke o Baro kerel pe tjiri o dies kai san ande o nekazo,
Ke o anav le Devlesko katar o Jakob lel sama tutar!
3Ke anda o svinto than vo tradel tuke t'ažutil tu,
Ke anda o Sion te ninkerel tu!
4Ke te del pe godji anda sa tjire dinimata,
Ai te lel tjire phabarimata!
5Ke te del tu so tjiro ilo mangel,
Ai ke te kerel sogodi tu kames!
6Ame veselisaras katar tjiro skipimos,
Ame vazdasa o flako ande o anav amare Devlesko;
O Baro Del kerela sogodi tu manges.
7Me akana žianav ke o Baro Del skipil kudales kai vo alosardias;
Vo kerela pe leski anda o čeri, anda pesko svinto kher.
Katar o skipimos zuralo katar pesko vast čačo.
8Kudala kai ninkeren-pe pe penge vurdona, kudala pe penge grast;
Ame, ame akharas o anav le Bare Devlesko, amaro Del.
9Von, bangion, ai von peren;
Ame, ame ninkeras ame zurales, ai bešas opre.
10Baro Del, skipisar le amperatos!
Ke te kerel pe amari, kana ame akharas les!
