Psalmo 150

₁Luvudin le Bare Devles!

Luvudin le Devles ande lesko svinto than!

Luvudin les ande o buvlimos, kai phařadiol leski zor!

₂Luvudin les pe leske svinti butia!

Luvudin les sar si lesko barimos!

₃Luvudin les pe o bašimos la tuturiaziako!

Luvudin les la lutasa ai la tsiturasa!

₄Luvudin les le tsinoře tamburinensa ai khelimasa!

Luvudin les le tsiturensa šelenge ai trubenge!

₅Luvudin les le tsimbalonsa kai bašen!

Luvudin les le tsimbalonsa kai bašen zurales!

₆Ke sogodi phurdel te luvudil le Bare Devles!

Luvudin le Bare Devles!