Psalmo 110

Vorba le Bare Devleski ka muřo baro:

Beš pe muřo čačo,

Žikin či kerav anda tjire dušmaia muři skara.

₂O Baro Del vazdela anda o Sion e rovli amperetiski tjira zoraki:

Av baro maškar tjire dušmaia!

₃Tjiro narodo si pherdo zor, kana tu kjides tjiri armia;

Le vestonsa svintsi, anda o peř le diesesko

Tjire terne manuš aven tute sar e balval de diminiats.

₄O Baro Del solaxadias, ai či keil pe:

Tu san rašai pe sakda,

Sar si e vitsa katar o Melkitsedek.

₅O Baro, pe tjiro čačo,

Phagel le amperaton o dies kai si xoliariko.

₆Vo kerel e kris maškar le thema: sa si pherdo mule;

Vo phagel le šere pe sa so si buvlo o them.

₇Vo pel ka o paiořo kana phirel:

Sa anda kudia vo vazdel o šero.