Psalmo 11

Si ande o Baro Del ke rodav te garadiovav,

Sar šai mothon mange tume;

Naš ande tjire plaia, sar jekh čirikli?

₂Ke eta, le nasul lašiaren penge sulitsi,

Von lašiaren penge sulitsi pe o šelo,

Te tsirden ande e ušialin pe kudala kai lenge ilo si vorta.

₃Kana o hunaimos si dino muial,

O vorta, so kerela vo?

₄O Baro Del si ande pesko svinto templo,

O Baro Del si les lesko skamin amperatisko ande le čeri;

Leske jakha dikhen,

Leske dikhimata zumaven le šiaven katar o manuš.

₅O Baro Del zumavel kon si vorta;

Vo vuřitsil le nasules ai kudales kai si lesko drago te marel pe.

₆Vo del brišin pe le nasul angar, jag ai sulfuro;

Jekh balval phabardi, voi si o lengi baxt.

₇Ke o Baro Del si vorta, leske drago e kris vorta;

Le manuš vorta dikhen leski fatsa.