Židovuri 4

₁Te las ame sama, ke vo phendias t'avas ande leski hodina, ke či jekh anda tumende te na avel les e hodina. ₂Ke kudia laši viasta sas amenge phendi sa kadia mišto sar lenge, numa von či line e viasta patiamasa kana ašunde. ₃Amenge kai patiam, ame das andre ande e hodina, sar si ramome:

₆Eta, šai mai si garado them unenge te den andre, numa kudala kai angla savořende sas lenge phendo te den andre či lena e hodina kai či patian.

₇O Del mai thodias lenge jekh dies — Adies phendias ande o mui le David osko but mai palal, sar si phendo mai opre:

₈Ke, t'avilinosas ke o Jošua te dinosa len hodina: von či mai denas duma pa jekh kaver dies. ₉Si kadia jekh dies, e sabato ski hodina, thodino rigate le narodoske katar o Del. ₁₀Ke kudo kai del andre ande e hodina le Devleski hodinil pe anda peske butia, sar o Del hodinisailo anda peske. ₁₁Te thas ame zor te das andre ande kudia hodina, eta ke khonik te na perel tele te sikavel sa jekh fialo ke či patial.

₁₂Ke e vorba le Devleski si živindi ai zurali, mai skutsome sar jekh xanřo varesavi kai šinel pa le dui riga, žial ži kai te hulavel ai o duxo ai o ilo ai le, kokala ai o moxo; voi del pe e kris so gindis ai le ginduri le ileske. ₁₃Khonik naštil te garadiol angla o Del, numa sa si nange ai dikhen le le jakha kudaleske kaske ame musai sa te phenas.

₁₄Kadia, sar si amenge jekh baro rašai kai nakhlias o čeri; o Jesus, o Šiav le Devlesko, bešas zurales ande o patiamos kai ame phenas. ₁₅Ke nai amen jekh baro rašai kai či lel sama katar amaro kovlimos; kaver fialo, vo sas zumado sar amende ande sa le dieli, bi te kerel bezex. ₁₆Pašuvas siguro ka o skamin amperatisko le dragosko, eta t'arakhas mila ai t'arakhas dragostia, t'ažutin ame ande so trubul amen.