2 Korintianuri 9

₁Či mai trubul te ramosarav tumenge pa o ažutimos ke bičalen le svintsonge ande Judea. ₂Me žianav, čačes, so tume kamen, kai me luvudi ma pa tumende paša le Makedonia, kai phenav ke le phrala ande o them trušal o Korinto gata si de katar o berš kai nakhlo; kudia tume dian dias zor butenge. ₃Me tradam le phralen, eta so ame luvudisardiam tumen te na avel khanči pe kudo punto, ai tume t'aven gata, sar me phendem. ₄Me či kamav, t'avel ke le Makedonia aven mansa ai dikhen ke na san tume gata; ame avas pherde lažiav ke t'amboldel pe kudia pe amende, te na phenav pe tumaro lažiav. ₅Me dem ma gindo ke trubul ke ame t'akharas le phralen te žian angla savořende tumende ai te keren gata le dinimata sar sas phendo, eta t'aven gata, kana avava ai sikiarela ke tume den soske mangen ai na soske trubul.

₆Te žianen, kudo kai thol te bariarel tsiřa kjidel tsiřa, ai kudo kai thol te bariol but kjidel but. ₇Ke sako te del sar gindisailo ande pesko ilo, bi nekežimasko vai pe e zor; ke o Del kamel kudales kai del veselimasa. ₈Ai o Del šai pherel tumen anda sako mištimos, eta ke, t'aven tumen sakda sa le dieli so trubul tumen, ai but pala sa le laše dieli, ₉sar si ramome:

₁₀Kudo kai del simintsa ka kudo kai bariarel, ai manřo te xal, dela tume ai butiarela e simintsa, ai vo butiarela le fruti tumare mištimastar. ₁₁Tume avena kadia barvale karing sako dinimos, ke, sar ame das, von den le Devleske naisimos. ₁₂Ke kana ažutin na ke ferdi ažutin le svintson, numa mai den opre le naisimata karing o Del. ₁₃Anda kudo ažutimos kai sikavel so san tumen, eta von luvudin le Devles ke patian tume kai phenen e Laši Viasta le Kristoski, ai sar tume den karing lende ai karing tumende; ₁₄von řudjin tumenge, ke von kamen tumen pala o mištimos kai si katar o Del kai del tumen. ₁₅Nais te avel le Devleske ke lesko dinimos si bi-prešo!