Romaned 13

₁Ra vezo peb den sentus ouz ar puissansou huel; rag n’euz puissans e‐bed ha ne deufe euz a Zoue; hag ar puissansou a zo breman, a zo bet lakeat gant Doue. ₂Rag‐se, piou‐benag a stourm ouz an otorite, a zeu da enebi ouz urz Doue; hag ar re a zeu da enebi, a denno ar varnedigez varnezhe ho‐unan. ₃Rag n’eo ket pa rer actionou mad, mes pa rer re fall, e vez leac’h da gaoud aoun rag ar re a c’houarn. Ha te a fell d’id beza heb aoun rag ar puissansou? Gra ar mad, hag e vezi meulet ganthe. ₄Rag ar Rener a zo servicher Doue evit da vad‐te; mes, mar grez an drouk, diwall, rag n’eo ket evit netra e toug‐hen ar c’hleze; rag eur servicher a Zoue eo, evit renta ar justis, en eur bunissa an hini a ra an drouk. ₅Dre‐ze eo red beza sentus, n’e ket hep‐ken abalamour d’ar bunition, mes ive abalamour d’ar goustians. ₆Abalamour da ze ive eo e paeit ar c’hargou, rag ministred Doue int, oc’h en em rei d’an deveriouze. ₇Rentit eta da bep hini ar pez a zo dleet dezhan; an tribut d’an neb ma’z eo dleet an tribut; an taillou d’an neb ma’z eo dleet an taillou; an doujans d’an neb ma’z eo dleet an doujans; an henor d’an neb ma’z eo dleet an henor.

₈Na dleit netra da zen e‐bed, nemed ar garantez an eil evit egile; rag an hini a gar ar re all, hen deuz accomplisset al lezen. ₉Rag, ar gourc’hemenou‐man: Na ri ket a avoultriach; na lazi ket; na laeri ket; na liviri ket a desteni faoz; na c’hoantai ket; ha kement gourc’hemen all a helfe beza, kement‐se holl a zo dalc’het er gomz‐man: Karoud a ri da nessa evel‐d’oud da‐unan. ₁₀Ar garantez na ra ket a zrouk d’an nessa; ar garantez eta eo an accomplissamant euz al lezen.

₁₁Ha kement‐se a dleit da ober, abalamour d’an amzer ma’z omp enhan; rag breman ema an heur deomp da zihuna euz hor c’housk, pa’z eo gwir ar zilvidigez a zo breman tostoc’h deomp eged pa hon euz credet. ₁₂An noz a zo avanset mad, hag an deiz a dosta; taolomp eta diouzomp oberou an devalijen, ha gwiskomparmou ar sclerijen. ₁₃Baleomp gant honestis evel ma rer en deiz, ha nann en diroll hag er vezventi, nag el lubricite nag el louzdoni, nag er chican, nag en anvi; ₁₄mes en em viskit euz an Aotrou Jesus‐Christ, ha na zelaouit ket ar c’hig evit he gontanti en he zeziriou fall.