Tchaip. I. 1

₁Livre de lai dâscendance de Djîsus‐Christ, offant de Dâvid, offant d’Aibrâham.

₂Aibrâham endgeonra Isaac. Isaac endgeonra Djâcob. Djâcob endgeonra Djuda et peu sas fréres.

₃Djuda endgeonra de Thâmar Phârés et peu Dzâra. Phârés endgeonra Esron. Esron endgeonra Aram.

₄Aram endgeonra Aminâdab. Aminâdab endgeonra Nâasson. Nâasson endgeonra Sâlmon.

₅Sâlmon endgeonra Bôoz de Râhab. Bôoz endgeonra Obed de Ruth. Obed endgeonra Djessé. Et peu Djessé endgeonra Dâvid, que fut roi.

₆Lou roi Dâvid endgeonra Sâlômon de c’tée qu’étât aivu fonne d’Urie.

₇Sâlômon endgeonra Rôbôam. Rôbôam endgeonra Abias. Abias endgeonra Asa.

₈Asa endgeonra Djôsaiphat. Djôsaiphat endgeonra Djôram. Djôram endgeonra Ozias.

₉Ozias endgeonra Djôaitham. Djôaitham endgeonra Achaz. Achaz endgeonra Ezéchias.

₁₀Ezéchias endgeonra Mânaissé. Mânaissé endgeonra Amon. Amon endgeonra Djôsias.

₁₁Djôsias endgeonra Djîchônias et peu sas fréres, vés lou temps que las Djuifs funent transpoûetchas ai Baibylône.

₁₂Et peu deu qu’es funent transpoûetchas ai Baibylône, Djîchônias endgeonra Sâlaithîl. Sâlaithîl endgeonra Zôrôbâbel.

₁₃Zôrôbâbel endgeonra Abiud. Abiud endgeonra Eliaicîn. Eliaicîn endgeonra Azor.

₁₄Azor endgeonra Sâdoc. Sâdoc endgeonra Achim. Achim endgeonra Eliud.

₁₅Eliud endgeonra Eliazar. Eliazar endgeonra Mâthan. Mâthan endgeonra Djâcob.

₁₆Et peu Djâcob endgeonra Djôset l’houmme de Mairie, de laiquée ost né Djîsus, qu’ost aippela Christ.

₁₇E y ait don pou tout, deu Aibrâham djûnsqu’ai Dâvid, quaitoûedge dâscendants; deu Dâvid djûnsqu’ai ce que las Djuifs funent transpoûetchas ai Baibylône, quaitoûedge dâscendants; et peu deu qu’es funent transpoûetchas ai Baibylône djûnsqu’ai Djîsus‐Christ, quaitoûedge dâscendants.

₁₈Pou ce qu’ost de lai néssaince de Djîsus‐Christ, l’airriva de c’te soûtche. Mairie sai mére, que s’étât mairia d’aivô Djôset, fut recoûegnue grosse pou étre aivu bouta enceinte pai l’ôpérâtion di Saint‐Esprit, devant qu’es ne sînt aivu ai lai fois.

₁₉Et peu voiqui que Djôset son houmme qu’étât djuste, peu que ne vyai pont lai déshounoura, résoulut de lai renvie en coûaitchotte.

₂₀Main di temps qu’è pensai ai çouqui, în andge di Seigneu li aippairut dans în réve, et peu li dit: Djôset offant de Dâvid, n’eussîz pais pau de penre aivô vous Mairie vôte fonne; paiche que ce qu’ost né dans lie ost aivu foûerma pai lou Saint‐Esprit.

₂₁Peu le ferai în offant, ai qu vos beilleriz lou nom de Djîsus, c’ost‐ai‐dire, Sauveu; paiche que ce serai lu que sauverai son peupye, et peu que lou délivrerai de sas fautes.

₂₂Et peu voiqui que tout çoulai se fut pou aiccompyi ce que lou Seigneu aivât dit pai lou prôphéte en ças mouts:

₂₃Ne vîrdge concevrai, et peu ferai în offant, ai qu es beillerant lou nom de Magnuel, c’ost‐ai‐dire: Due aivô nous.

₂₄Quand Djôset ost aivu révoûeillie, è fut ce que l’andge di Seigneu li aivât coummainda, è prit sai fonne d’aivô lu.

₂₅Et peu è ne l’aivât pont coûegnue quand le fut son premie offant, ai qu è bouta lou nom de Djîsus.