PSALMI 92

Ὁ κύριος ἐβασίλευσεν, εὐπρέπειαν ἐνεδύσατο,

ἐνεδύσατο κύριος δύναμιν καὶ περιεζώσατο·

καὶ γὰρ ἐστερέωσεν τὴν οἰκουμένην, ἥτις οὐ σαλευθήσεται.

₂ἕτοιμος ὁ θρόνος σου ἀπὸ τότε,

ἀπὸ τοῦ αἰῶνος σὺ εἶ.

₃ἐπῆραν οἱ ποταμοί, κύριε,

ἐπῆραν οἱ ποταμοὶ φωνὰς αὐτῶν·

₄ἀπὸ φωνῶν ὑδάτων πολλῶν

θαυμαστοὶ οἱ μετεωρισμοὶ τῆς θαλάσσης,

θαυμαστὸς ἐν ὑψηλοῖς ὁ κύριος.

₅τὰ μαρτύριά σου ἐπιστώθησαν σφόδρα·

τῷ οἴκῳ σου πρέπει ἁγίασμα, κύριε,

εἰς μακρότητα ἡμερῶν.