PSALMI 81

Ὁ θεὸς ἔστη ἐν συναγωγῇ θεῶν,

ἐν μέσῳ δὲ θεοὺς διακρίνει

₂Ἕως πότε κρίνετε ἀδικίαν

καὶ πρόσωπα ἁμαρτωλῶν λαμβάνετε;

διάψαλμα.

₃κρίνατε ὀρφανὸν καὶ πτωχόν,

ταπεινὸν καὶ πένητα δικαιώσατε·

₄ἐξέλεσθε πένητα καὶ πτωχόν,

ἐκ χειρὸς ἁμαρτωλοῦ ῥύσασθε.

₅οὐκ ἔγνωσαν οὐδὲ συνῆκαν,

ἐν σκότει διαπορεύονται·

σαλευθήσονται πάντα τὰ θεμέλια τῆς γῆς.

₆ἐγὼ εἶπα Θεοί ἐστε

καὶ υἱοὶ ὑψίστου πάντες·

₇ὑμεῖς δὲ ὡς ἄνθρωποι ἀποθνῄσκετε

καὶ ὡς εἷς τῶν ἀρχόντων πίπτετε.

₈ἀνάστα, ὁ θεός, κρῖνον τὴν γῆν,

ὅτι σὺ κατακληρονομήσεις ἐν πᾶσιν τοῖς ἔθνεσιν.