Romanuri 4

₁So phenasa ame ke o Abraham, amaro dad, lias sar manuš? ₂T'avel ke o Abraham sas vorta katar le butia, šai te luvudil pe, numa či angla o Del. ₃Ke so phenel o Ramomos? O Abraham patialas ande o Del, ai pe kudia sas les laši kris. ₄Eta, kudo kai kerel jekh butji, o pokjinimos si les dino, nai sar te naisin leske, numa sar jekh diela kai trubul: ₅Ai ka kudo kai či kerel butji, numa kai patial ande o Del kai kerel vorta angla leste le bezexales, lesko patiamos si gjindo leske pe e kris. ₆Sa kadia o David sikavel e veselia le manušeski kaske o Del del les laši kris bi la butiake:

₉Kudo veselimos si ferdi kudalenge kai si šinde, vai si vo vi kudalenge nai šinde? Ke ame phenas ke o patiamos sas gjindo le Abrahamoske pe e kris. ₁₀Sar sas leske gjindo? Sas mai palal, vai angla savořende lesko šinimos? Vo inke nas šindo, sas vo bi-šindo. ₁₁Vo lias o semno le šinimasko, sar jekh pečata ke o Del lias les katar o patiamos kana nas vo šindo, eta t'aresel o dad savorenge kai nai šinde kai patian, ke e laši kris t'avel vi lenge, ₁₂ai o dad le šindengo, kai nai ferdi si šinde, numa kai mai phiren pe le vurmi le patiamaske katar amaro dad o Abraham kana nas vo inke šindo.

₁₃Čačimasa, nai katar o zakono ke e lumia sas šinadi le Abrahamoske vai leska vitsake, numa katar e kris le patiamaski. ₁₄Ke, te avel le šiavenge katar o zakono, o patiamos si intaino, ai so si t'avel si rimome, ₁₅ke o zakono kerel e xoli, ai kothe kai nai zakono, nai te den rigate.

₁₆Sa anda kudia si katar o patiamos, ke avel e patia, ke t'avel sar dinimos ivia Devlesko, eta ke so sas phendo t'avel ka sa le šiave le Abrahamoske, avela na ferdi kudalenge kai si tela o zakono, numa vi kudalenge kai si les o patiamos katar o Abraham, amaro dad savořengo, ₁₇sar si ramome: Me thodem tu dad pe but thema. Vo si amaro dad angla kudo ande kaste vo patial, o Del kai del o traio le mulen, ai kai akharel le dieli kai nai ande e lumia. ₁₈Ažiukerel so či ažiukerelas, vo patial, kadia ke vo areslo dad but themengo, sar ke sas leske phendo: Kadia avela tjiri vitsa. ₁₉Ai, bi te kovliol ande o patiamos, vo či lias sama ke lesko stato si vuže rimome, ke sas pašte jekh šel beršengo, ai ke e Sara naštilas te mai avel la glati. ₂₀Vo patialas, so phendiasas leske o Del či delas palpale; numa vo zurailo ande o patiamos, luvudisardias le Devles, ₂₁ai vo sas siguro ke so o Del phendias vo šai kerel les. ₂₂Sa anda kudia kudo sas dino sar vorta katar o Del. ₂₃Numa kudala vorbi sas dino sar vorta nas ramome ferdi leske; ₂₄le vorbi si vi amenge, kai sam vorta, amenge kai patias ande kudo kai živindisardias le Jesus amare Bares, ₂₅savo sas dino ande o vast pala amare bezexa, ai živindisailo t'avas vorta.