Sikavimos 11

₁Dine ma jekh kaštoro jekh fialo sar jekh rovli te mezuril, phende: Ušti, ai mezurisar o templo le Devlesko, o altari, ai gin kudalen kai kamen. ₂Numa so si avrial anda o templo, muk les, ai na mezurisar les; ke vo si dino kudalenge kai či patian, ai von inčarena tela le punře o foro svinto pašte štar-var-deš ai dui šion. ₃Me dava ka muře dui marturia e putiaria te phenen so avela, uriade ande le gone, pašte jekh mia ai dui šela ai šov-var-deš dies. ₄Le dui marturia si le dui kopačia maslini ai le dui lampi kai bešen angla o Baro la phuviako. ₅Te si varekon ke kamel te kerel lenge nasul, jag anklel anda lengo mui ai xal lenge dušmanon, ai te si varekon ke kamel te kerel lenge nasul, vo trubul t'avel mudardo kadia. ₆Len si len e putiaria te phandaven o čeri, eta te na perel brišin le dies kana von phenen so avela; ai len si len e putiaria te pařuven le paia t'aven rat, ai te malaven le phuvia anda sako fialo dukh, sako data kai von kamen.

₇Kana von getosaren te phenen e Laši Viasta, e žigania kai anklel avri anda e hunia kerela pe lende marimos, nirila len, ai mudarela len. ₈Ai lenge staturi avena thodine pe o platso le bare forosko, kai si akhardo, sar te avel Sodomo ai Egipta, kothe kai lengo Baro sas karfome. ₉Manuš maškar o narodo, le kumpani, le šiba, ai le thema, dikhena lenge staturi pašte trin diesa ai dopaš, ai von či mukena ke lenge staturi te angropon le. ₁₀Ai pala lende o narodo la phuviako veselila pe ai avela ande e voia, ai von tradena podarki jekh avreske, ke kudala dui profeturi kjinuisarde o narodo pe e phuv.

₁₁Pala le trin diesa ai dopaš, jekh duxo le traiosko avel katar o Del, dela ande lende, ai von bešen pe penge punře; ai jekh bari dar lela kudalen kai dikhen le. ₁₂Ai von ašunen anda o čeri jekh hango kai phenel lenge: Anklen kathe! Ai von anklen ande o čeri ande jekh nuvero; ai lenge dušmaia dikhen len.

₁₃Ande kudo časo, sas jekh isdraimos phuviako, ai jekh anda deš partii le foroske pelias tele; efta mii manuš sas mudarde ande kudo isdraimos phuviako, ai le kavren lias len e dar ai dine vestimos ka o Del čeresko.

₁₄O duito nasulimos nakhlo. Eta, o trito nasulimos avel sigo.

₁₅O eftato andželo bašavelas ande e tuturiaza. Ai sas ande o čeri zurale hanguri kai phenenas:

₁₆Ai le biš-ai-štar phure, kai bešenas angla o Del pe penge skamina amperatisko, kloninas-pe pe pengi fatsa, ai von kamenas le Devles, ₁₇phenenas:

₁₉Ai o templo le Devlesko ande o čeri sas puterdo, ai o arko katar leski patia sikadilo ande lesko templo. Ai sas strefiaimos, hanguri, řondieturi, isdriamos phuviako, ai jekh bari babitsa.