Psalmo 40

₂Me thodem ande o Baro Del te ažiukerav;

Ai vo bangilo karing mande, vo ašundias muře tsipimata.

₃Vo tsirdias ma anda e groapa le phagaimaski,

Anda o fundo la čikako;

Ai vo thodias muře punře pe o bař,

Vo zuriardias muře pasuri.

₄Vo thodias ande muřo mui jekh gjili nevi,

Jekh luvudimos amare Devleske;

But dikhle les, ai lias le e dar,

Ai von dine pe ka o Baro Del.

₅Veselo o manuš kai thol ande o Baro Del pesko patiamos,

Ai kai či amboldel pe karing le barimatange ai le xoxamne!

₆Tu butiardian, Baro Del, muřo Del!

Tjire šukarimata ai so tu kamlian amenge.

Khonik nai sar tute;

Kamavas te tsipiv le ai te phenav le,

Numa sar si von pria but te šai te phenav le.

₇Tu či kames či sakrifiso či te den tu,

Tu puterdian muře kan;

Tu či manges mandar či phabarimos či te pokjinav muře bezexa.

₈Atunči me phenav: Eta me avav.

Ande e kniška si ramome pa mande.

₉Me kamav te kerav so manges, muřo Del!

Ai tjiro zakono si ande o fundo muře ilesko.

₁₀Me phenav e kris ande le bare kjidinimata;

Eta, me či phandavav muře vuš,

Baro Del, tu žianes!

₁₁Me či ninkerav ande muřo ilo e kris,

Me tsipiv tjiro čačimos ai tjiro skipimos;

Me či garavav tjiro lašimos ai tjiro čačimos

Ande o baro kjidimos.

₁₂Tu, Baro Del! tu či lesa mandar tjire mištimata;

Tjiro dragomos ai tjiro čačimos arakhena ma sakda.

₁₃Ke dukha bi gjinde terdion krugom ma;

Le pokjinimata muře bezexenge astaren ma,

Ai me naštiv te dikhav le;

Von si mai but sar le bal pe muřo šero,

Ai muři harničia mukel ma.

₁₄Ker ta skipisar ma, o Baro Del!

Baro Del, aidi sigo t'ažutis ma!

₁₅Ke sa ande jekh than t'aven lažiavarde ai tele,

Kudala kai kamen muřo traio te len les!

Ke te den palpale ai te lolion,

Kudala kai kamen te xasavav!

₁₆Ke t'avel lengo šodo katar lengo lažiav,

Kudala kai phenen mange: A! A!

₁₇Ke sa kudala kai roden tu

T'aven ande e veselia ai te veselin pe ande tute!

Ke kudala kai kamen tjiro skipimos

Te phenen bi te terdion: Vestime t'avel o Baro Del!

₁₈Me, me sim čořo ai prosto:

Tu san kai ažutis ma ai muřo skipitori:

Muřo Del, av sigo!