Matteu 21

₁È quand'elli s'avvicinonu da Ghjerusaleme è ghjunsenu ver di Betfaghè, in li cuntorni di u Monte di l'Alivi, tandu Ghjesù mandò dui discepuli, ₂dicendu li: «Avviate vi voltu u paese di fronte à voi, è ùn starete tantu à truvà una sumera ligata è un sumerucciu; sciuglite li è purtate mi li. ₃È s'è nimu vi dice nunda, li dicerete chì u Signore n'hà bisognu», ma ch'ellu l'hà da rimandà subitu. ₄Quessa hè accaduta da ch'ella venga cumpiita a parolla di u Signore, detta da u prufetu:

₅Dite à a figliola di Sione:

₁₂È Ghjesù entrì in u tempiu, messe fora à tutti quelli chì vendianu è cumpravanu in u tempiu è lampò in pianu e tavule di quelli chì cambiavanu soldi è i pusatoghji di quelli chì vendianu i culombi, ₁₃è po li dice: «Hè scritta:

₁₈A mane, vultendu in cità, ebbe a fame, ₁₉è videndu una sola fica nant'à a strada s'avvicinò è ùn ci truvò altru nunda chè fronde, è li dice: «ch'ellu ùn ti venghi mà più fruttu», è subitu a fica firmò secca. ₂₀Videndu quessa, i discepuli si maraviglionu è dissenu: «Cume serà ch'ella si hè siccata di colpu a fica?» ₂₁Ghjesù rispose è li disse: «A vi dicu da veru, s'è vo avessiti a fede è ch'è vo ùn dubitessiti, ùn solu quella di a fica, ma ancu per dì à stu monte: “pesa ti è lampa ti in mare”, cusì accaderebbe. ₂₂È tuttu ciò ch'è vo dumanderete cù a fede in a prichera, l'averete.»

₂₃È cum'ellu era ghjuntu in u tempiu, ind'u mentre ch'ellu insignava li s'avvicinonu i capisacerdoti è i capipopulu dicendu: «Cù chì auturità faci què? È issa auturità, quale a ti hà data?» ₂₄Ghjesù rispose è li disse: «Anch'eu lasciate ch'eu vi facci una sola dumanda è s'è vo mi rispundite, anch'eu vi diceraghju cù chì auturità ch'è facciu què. ₂₅U battezimu di Ghjuvanni da duve vene? Da u celu o da l'omi?» L'altri riflettianu trà di elli dicendu: «S'è no dimu: “Da u celu” ci hà da dì: “Tandu cumu hè chì voi ùn ci avete avutu fede?” ₂₆Ma s'è no dimu: “Da l'omi” attenti à a folla chì tutti tenenu à Ghjuvanni da prufetu.» ₂₇È rispundendu à Ghjesù dissenu: «Ùn la sapemu.» È anch'ellu li dice: «Mancu eu vi dicu cù chì auturità ch'è'facciu què.»

₂₈«Or chì vi ne pare? Un omu avia dui figlioli. S'avvicina da u primu è li dice: “U mo figliolu, oghje vai è travaglia in a vigna.” ₂₉Quellu risponde è li dice: “Ùn ci vogliu andà”, ma dopu si pente è và à a vigna. ₃₀U babbu s'avvicina da l'altru figliolu è li dice listessa cosa. Quellu risponde è li dice: “Eu vò, o bà”, ma ùn ci và. ₃₁Di i dui, qualessu hà fattu a vuluntà di u babbu?» Dicenu: «U primu.» Ghjesù li dice: «Da veru a vi dicu, in u Regnu di Diu, i publicani è e donne publiche ci anu da esse innanzu à voi. ₃₂Di fatti Ghjuvanni vi hè ghjuntu vicinu in una strada di ghjustizia, è ùn ci avete micca avutu fede. Or i publicani è e donne publiche anu avutu a fede in ellu; invece voi, avete vistu è mancu vi site pentuti dopu, è mancu avete avutu fede in ellu.»

₃₃«Sentite un' antra parabula. Ci era un omu, prupietariu di una casa, chì piantò una vigna è l'accinse cù una chjudenda. In drentu ci fece un palmentu è alzò una torra, è po a dete in affittu à paisani è si n'andete in viaghju. ₃₄Quand'ella vense a stagione di i frutti, mandò i so servi ind'è i paisani à piglià i so frutti. ₃₅Ma i paisani aguantonu i servi: à unu u minonu, l'altru u tumbonu è u terzu u piglionu à petrate. ₃₆Ellu mandò dinò altri servi, di più chè a prima volta, è i paisani li fecenu listessa cosa. ₃₇Dopu l'omu li mandò u so figliolu dicendu: “u mo figliolu, po l'anu da rispettà.” ₃₈Ma i paisani, videndu u figliolu, dissenu da sè à sè: “Questu hè l'erede: aiò, tumbemu lu è pigliemu ci a vigna.” ₃₉L'aguantonu, u lamponu fora da a vigna, è u tumbonu. ₄₀Dunque, quand'ellu venerà u patrone di a vigna, à issi paisani, chì li hà da fà?» ₄₁Elli dicenu: «I pessimi, i tumbarà in modu pessimu, è dopu, a vigna a derà à altri paisani, chì li ne deranu frutti quandu serà a stagione.» ₄₂Ghjesù li dice: «Ùn avete mai lettu in e scritture:

chì maraviglia davant'à i nostri ochji?

₄₅Sentendu isse parabule, i capisacerdoti è i Farusei capinu ch'ellu parlava per elli. ₄₆È pruvendu à arrestà lu, temianu e folle postu chì u tenianu da prufeta.