Matteu 13

₁Quellu ghjornu Ghjesù esce di casa è si posa à tagliu di mare. ₂Da tantu ch'elle li s'accoglienu e folle in giru, colla ind una barca, ci si mette à pusà è a ghjente stava arritta nantu à a sponda. ₃È li parlò assai per parabule. Dicia: ₄«Ci era un suminatore chì era andatu à suminà. È mentre ch'ellu suminava, une poche di granelle casconu longu à a strada, è l'acelli vensenu à biccà le. ₅Altre sumente casconu in una petrichiccia chì a tarra era poca. Crescinu subitu per via chì a terra ùn era micca prufonda; ₆ma quand'ellu surtì u sole, e piccule piante funu brusgiate è siccate chì e radiche ùn eranu micca forte. ₇Altre dinò casconu in un prunicaghju: u prunicaghju crescì è e stirpò. ₈Ma una manata era cascata in la terra bona è dete u so fruttu, à chì centu, à chì sessanta à chì trenta. ₉À chì hà arechje, ch'ellu senti.»

₁₀I discepuli s'avvicinanu è li dicenu: «Ma chì li parli in parabule?» ₁₁Ghjesù risponde è dice: «Perchè chì à voi v'hè statu datu di sapè i misteri di u regnu di i celi, ma à elli nò. ₁₂Chì à quellu chì hà, li si derà è per ellu serà divizia; invece à quellu chì ùn hà tantu, li si caccerà ancu ciò ch'ellu hà. ₁₃Hè per quessa ch'è li parlu in parabule, chì vedenu senza vede è sentenu senza sente nè capì. ₁₄Cusì vene cumpiita a prufezia di Isaia:

₁₅Chì u core di stu populu hè diventatu duru,

₁₈«Dunque voi, state à sente a parabula di u suminatore. ₁₉À chì sente a parolla di u Regnu è ùn la capisce, vene u Mastinu è si piglia ciò chì hè statu suminatu in u so core; ebbè, quessu hè quellu chì hè statu suminatu longu à a strada. ₂₀Quellu chì hè statu suminatu in a petrichiccia, hè quellu chì hà intesu a parolla è l'hà pigliata subitu cù alegria, ₂₁ma ùn hà nè radiche nè custanza in sè stessu; da ch'ellu scontra e tribulazione o e persecuzione per via di a parolla, subitu intrampuleghja è casca. ₂₂Quellu chì hè statu suminatu in u prunicaghju hè quellu chì hà intesu a parolla ma e primure di u mondu è l'inganni di a ricchezza assuffocanu a parolla chì si secca. ₂₃Ma quellu chì hè statu suminatu in a terra bona, hè quellu chì hà intesu a parolla è l'hà capita; a face fruttà è rende à chì centu, à chì sessanta à chì trenta.»

₂₄È po li presenta un antra parabula dicendu: «U regnu di i celi hè cum'è quandu un omu suminò a sumenta bona in u so chjosu. ₂₅In lu mentre chì l'omi durmianu, u so nimicu ghjunse è misse a rimigna avvuleghju à u granu è po si n'andete. ₂₆Quandu u granu cuminciò à creà si è à mette e spiche, spuntò ancu a rimigna. ₂₇Tandu l'omi dissenu: “o Patrone, ùn aviate messu una sumenta bona in u chjosu? Da duve vene po issa rimigna?” ₂₈Ellu li disse: “quessa, l'hà fatta un nimicu.” L'omi dissenu: “vulete ch'è no vachimu à caccià la?” ₂₉Quellu disse: “innò chì, s'è vo cacciate a rimigna ete da stradicà ancu u granu. ₃₀Lasciate li crece inseme sinu à a sighera è, à l'epica di a sighera, diceraghju à i sigatori: cacciate prima a rimigna è fate ne fasci da brusgià, invece u granu, riguarate lu tuttu in u mo granaghju.”»

₃₁È po li presenta una antra parabula dicendu: «U regnu di i celi hè cum'è un granellu di senapa chì un omu suminò in u so chjosu. ₃₂Quessa hè a più chjuca trà tutte e sumente ma quand'ella hè crisciuta, vene a più grande di l'ortu è diventa un arburu, tamantu chì l'acelli facenu i so nidi in e ramelle.» ₃₃Li fece dinò una antra parabula: «U regnu di i celi hè cum'è levitu chì una donna pigliò è mischjò cù trè bacini di farina, sinu à ch'ellu leviteghji u pastone sanu.»

₃₄Tuttu què, Ghjesù a dicia in parabule, è ùn li dicia nunda senza parlà in parabule, ₃₅da ch'ella venga cumpiita a parolla di Diu, detta da u prufeta:

₃₆Dopu Ghjesù s'alluntana da e folle è và in casa. I discepuli s'avvicinanu è li dicenu: «Spieca ci a parabula di a rimigna di u chjosu.» ₃₇Ghjesù risponde è dice: «Quellu chì sumena a sumenta bona hè u Figliolu di l'Omu ₃₈u chjosu hè u mondu, a sumenta bona sò i figlioli di u regnu; a rimigna sò i figlioli di u Male, ₃₉u nimicu chì l'hà suminata hè u diavule, a sighera hè a fine di u mondu è i sigatori sò l'anghjuli. ₄₀Or cumu ellu si caccia a rimigna è si lampa in u focu, cusì serà a fine di istu mondu. ₄₁U Figliolu di l'Omu manderà i so anghjuli è quelli cacceranu da u so regnu tutte e cause di scandalu, è quelli chì facenu l'inghjustizie. ₄₂I lamperanu in bocca à u focu: custì ci seranu pienti è chirchenni. ₄₃Tandu l'omi ghjusti splenderanu cum'è u sole in u regnu di Diu u Babbu. À chì hà arechje, ch'ellu senti.»

₄₄«U regnu di i celi hè cum'è un tesoru piattu in un chjosu. L'omu chì l'hà trovu u torna à piattà, è, da tanta l'alegria, parte è vende tuttu u soiu, è po compra issu chjosu. ₄₅U regnu di i celi hè dinò cum'è quandu un marcante hè in cerca di perule preziose; ₄₆truvatu ch'ellu hà una perula d'altu valore parte è vende tuttu u soiu, è po compra issa perula. ₄₇U regnu di i celi hè dinò cum'è una reta lampata è chì riguara pesci d'ogni generu; ₄₈piena ch'ella hè, i piscadori a tiranu nantu à a rena, posanu è sceglienu i pesci; i belli i mettenu in e panere, i merzi i ghjettanu. ₄₉Cusì serà à a fine di stu mondu: ₅₀veneranu l'anghjuli à caccià i gattivi da trà i ghjusti è i lamperanu in bocca à u focu: custì ci seranu pienti è chirchenni.»

₅₁«Avite capitu tutte ste cose?» Elli dicenu: «iè chì l'emu capite.» ₅₂È ellu dice: «hè per quessa chì un scribu chì tornassi discepulu di u regnu di i celi sarebbe cum'è un capifamiglia chì caccia da u so tesoru cose vechje è cose nove.»

₅₃Finite isse parabule, Ghjesù partì da quelle loche. ₅₄Andete in a so patria è messe à insignà à a ghjente in a sinagoga. Si maravigliavanu è dicianu: «Issa saviezza è issa putenza, da duve e caccia? ₅₅Ùn hè u figliolu di u bancalaru? A mamma ùn si chjama Maria? I fratelli ùn sò Ghjacumu, Ghjiseppu, Simone è Ghjuda? ₅₆È e surelle ùn stanu tutte quì cù noi? Da induve e caccia po tutte isse cose?» ₅₇Eranu scandalizati da Ghjesù. Ellu li disse: «un prufeta hè disprezzatu solu, in a so patria è in casa soia» ₅₈È ùn fece tanti miraculi custì, per via di issa disfidenza ch'elli avianu.