St. Maheu 27

₁Quentéh el mitin, ol er Pen‐Vêlean hag er Ré‐Quetan ag en Dud e zalhas conzeu étré‐z‐hai inep de Jesus, eid il laquat d’er marhue.

₂Hag ind e hras en ariein hag er hasse dirac er Goarnour Ponce‐Pilat.

₃Nezé Judas péhani en doé guêrhet anehou, é huélet e oé barnet, e sàüas quæ huerve én é galon, hag ean e zaccoras d’er Pen‐Vêlean ha d’er Ré‐Quetan ag en Dud, en tregond péh argand,

₄En ul laret: Péhed e mès é huerhein er goaid divlam. Hag ind e laras dehou: Petra e vern d’embni? En dra‐zé e zell doh‐oh.

₅Nezé Judas e daulas en argand én Ty‐Doué, hag e yas d’hum grouguein.

₆Mæs er Pen‐Vêlean e hras chairrein en argand‐cé, hag e laras: Ne ellamp quet el laquat én trézol dré ma oé guérh er goaid.

₇Rac‐cé arlerh en dout hum gonzet, ind e brenas gued en argant‐cé parq ur podér, eid béhéin en dud a zianvez.

₈Eit quement‐cé, er parq‐zé zou hoah hinihue en dé hanhuet Halcedama, de laret‐é, Parq er goaid.

₉El‐cé é oé bet laquet de vout é guirioné er gonz‐men ag er Profæd Jeremi: Chairret ou dès en tregond péh argant, peré e oé guerh en hani e zou bet prizet ha gùerhet dré vugalé Israel.

₁₀Ha prenet ou dès guet hai parq ur podér, revé men dès en Eutru Doué er gourhemennet t’eign.

₁₁Jesus enta e oé bet casset dirac er goarnour, péhani on atterças él‐men: Hui‐é Roué er Juived? Jesus e laras dehou: Hui el lare.

₁₂Deusto d’er péh e laré inep dehou er Pen‐Vêlean, hag er Ré‐Guetan ag en Dud, ne zeuhanteras gùir er bed.

₁₃Nezé Pilat e laras dehou: Ne gleuet hui er péh e lare en dud‐cé inep d’oh?

₁₄Mæs Jesus ne sannas gricq; er péh e hras d’er goarnour bout souéhet bras.

₁₅Mæs er gustum oé de ouil Vasq ma rezé er goarnour é zistac d’en hani ag er brisonerion e venné d’en dud.

₁₆Bout e oé nezé ér rangenneu un dén goal‐vrudet hanhuet Barrabas.

₁₇El ma oé tolpet en dud, Pilat e laras dehai: Péhani e houlennet‐hui ma lausquein d’oh, Barrabas pé Jesus e zou hanhuet er Hrouist?

₁₈Rac ean e houyé e oé dré caz en ou doé el laqueit étré e zeourn.

₁₉Ha pe oé azéet arh é gadoér a varnedigueah, é voés e gassas de laret dehou: Ne péet nitra d’hobér guet en dén divlam‐zé; rac poéniet vras on bet hinihue dré un huné ag é zivout.

₂₀Mæs er Pen‐Vêlean hag er Ré‐Gouh e hounias arh en dud de houlenne Barrabas, ha de goll Jesus.

₂₁Er goarnour e laras enta dehai: Péhani ag en deu‐zé e vennet‐hui ma vou lausquet d’oh? Barrabas, e m’ind‐i.

₂₂Petra e rein‐mé enta, emé Pilat, a Jesus e hanhuér er Hrouist? Revou staguet arh er groéz, e m’ind‐i, ol d’ur voéh.

₂₃Péh droug en dès ean groeit, emé er goarnour? Mæs ind e huidé mui‐oh‐mui, én ul laret: Revou staguet arh er groéz.

₂₄Pe huélas Pilat penaus ne hounié nitra, mæs e cresqué goah‐ar‐hoah er saffar, e hras digasse deur, hag arlerh en dout golhet è deourn dirac en dud, ean e laras: Eid on mé me zou divlam a varhue en dén‐glan‐zé: eid oh‐hui, guélet er péh e hoès d’hobér.

₂₅Quentéh ind e laras ol: Déèt é oaid de gouéh arh‐n‐omb hag arh hur bugalé.

₂₆Nezé ean e lausquas dehai Barrabas: Ha goudé en dout groeit scourjein Jesus, ean el laquas étré ou deourn eit bout staguet arh er groéz.

₂₇Brezélion er goarnour e gassas nezé Jesus d’er Prétoër, hag hum dolpas ar en drô dehou en ol vresélion.

₂₈Ha goudé en dout ean dihusquet, ind e daulas arh é ziscoai ur vantel ru‐tan.

₂₉Nezé ind e hras ur curunen spern, hé laquas arh é ben, guet ur gorzen én é zourn déheu. Ind e stouyé arh ur glin dirac‐t‐hou, hag e hré goab anehou, én ul laret: A d’oh, roué er Juived!

₃₀Ind e scopé ehué en é zrem, e guemeré er gorzen e oé én é zourn, hag guet‐hi, ind é scoé arh é ben.

₃₁Arlerh en dout ean él‐cé ansquinet, ind e lamas a ziar é ziscoai er vantel ru‐tan hont, e husquas dehou é zillad, hag er stleigeas guet‐hai, eit bout laqueit arh er groéz.

₃₂En ur lemel a gær, ind e gavas un dén a Cyren, hanhuet Simon, hag e hras dehou dougue croéz Jesus.

₃₃Ha pe oént deid él léh hanhuet Golgotha, de laret é, Calvér,

₃₄Ind e guenias dehou d’ivet guin ha vistre caijet, mæs Jesus ne ras meid en tanhouad.

₃₅Goudé m’en doé ean staguet arh er groéz, ind e dennas d’er billeu é zillad, eid ou rannein étré‐z‐hai, eit ma vehé laquet de vout é guirioné er honzeu‐men ag er profæt: Rannet ou dès men dillad étré‐z‐hai, ha tennet ou dès me sai d’er billeu.

₃₆Nezé ind e azéas ino eid er goarn.

₃₇Laqueit e oé bet ehué drest é ben, eit discoein perac e oé bet varnet, er guirieu‐men: Hennen zou Jesus, Roué er Juived.

₃₈Staguet oé bet hoah guet hou deu laër, unan en tu déheu, hag en aral en tu clei dehou.

₃₉Hag er ré e dremené dré ino goal‐conzé guet hou én hur heigeal ou fén.

₄₀En ul laret: Hama, té péhani e zïsmante en Ty‐Doué, hag er sàüe arré é corv tri dé, hum zistac té bermen; mar dous Mab Doué, dischenne ag er groéz.

₄₁Er Pen‐Vêlean, gued en Dud ag er lézen, hag er Ré‐Hen e ré ehué goab anehou én ul laret:

₄₂Diboéniet en dès er ré rall, ha ne elle quet hum distac é‐hunan. Mar dé er roué a Israel, dischennéet bermen ag er groéz, ha ni e gredou én‐hou.

₄₃Ean e fi é Doué: Mar en dès Doué caranté doh‐t‐ou, Déet d’en distaguein bermen; rac laret en dès: Me zou Mab Doué.

₄₄El laëron oé staguet a beb tu dehou, e hré ehué dehou en haval rebrêcheu.

₄₅Mæs a houdé en huéhvèd ær bet en nàuvèd, ol en douar oé bet goleit a dihoeldæt.

₄₆Hag ardro en nàuvèd ær, Jesus e lausquas un taul vouéh, én ul laret: Eli, Eli, lamma sabacthani! de laret‐é: Men Doué, men Doué, perac en e hoès hui men délézet?

₄₇Ur ré benac ag er ré oé ino e laras diarben er honzeu‐zé: Ean e houlenne Eli.

₄₈Quentéh unan anehai e ridas de glubein un tam spoué é guin‐trinq ha guet ur gorzen er sàüas betic é veg.

₄₉Mæs ol er ré ral e laré: Gorteit de houd ag ean e zei Eli d’en distaguein.

₅₀Nezé Jesus e lausquas hoah un taul vouéh, hag e hras é speréd.

₅₁Ha chetu er gouil ag en Ty‐Doué e ringuas é deu dam ag el lein bed en dias, en douar e greinas, er rihiér e feutas.

₅₂Er béïeu e zigueoras, ha hilleih a gorveu er sænt, péré e oé cousquet e zàüas a varhue de vihue.

₅₃Ha goudé ma oé saüet Jesus a varhue de vihue, ind e hum ziscoas de galz a dud ér gær santel.

₅₄Er hantenær hag er ré e oé guet hou é hoarn Jesus é huélein en douar é crenein, hag é huélet er burhudeu‐zé, e oé bet scontet, hag e laras: Eu Dén‐zé e oé, é guirioné, Mab Doué.

₅₅Bout e oé ehué ino un nivéh a merhèd péré hum zalhé a ziabel, hag en doé héliet Jesus a zrebi Galile eid en chervige.

₅₆E mesq péré e oé Mari‐Madelen, Mari mam Jaq ha Jojeb ha mam bugalé Zebede.

₅₇Ardro en noz un dén pinhuic e Arimathi, hanhuet Jojeb, hag e oé discipl de Jesus,

₅₈E yas de gavouèt Pilat, eit goulenne guet hou corv Jesus. Nezé Pilat e hourhemennas quentéh er rein dehou.

₅₉Jojeb en distaguas a‐z‐oh er groéz, el liennas,

₆₀Hag el laquas én ur bé nehué en doé toullet én ur roh, ha goudé m’en doé rulied ur mein bras, eid stanquein er bé‐zé, ean e yas d’é hent.

₆₁Ha Mari‐Madelen, hag ur Vari arall e oé azéet ino étal er bé.

₆₂En trenoz, péhani e oé er Sadorn, er Pen‐Vêlean hag er Pharisiénèd e hum dolpas é ty Pilat, hag e laras dehou:

₆₃Eutru, deit zou chonge t’emb penaus el lorbourzé a pe oé bihue, en dès laret: E corv tri dé, me zàüou a varhue de vihue.

₆₄Gourhemennet enta ma vou goarnet er bé abad tri dé, guet eun ne zehé é zisciplèd de laëréin é gorv, ha ne larehent d’en dud, é ma sàüet a varhue de vihue, rac el lorbereah‐cé e vehé goah eid er guetan.

₆₅Pilat e laras dehai: Hui e hoès brezélision, quêrhet ha goarnet ean d’hou chonge.

₆₆Ind e yas enta d’er bé, hag er stanquas erhat; Nezé ind e laquas er siel ar er mein e oé doh er golein, ha vrezélision étal d’hou.