PSALMI 53

₃Ὁ θεός, ἐν τῷ ὀνόματί σου σῶσόν με

καὶ ἐν τῇ δυνάμει σου κρῖνόν με.

₄ὁ θεός, εἰσάκουσον τῆς προσευχῆς μου,

ἐνώτισαι τὰ ῥήματα τοῦ στόματός μου.

₅ὅτι ἀλλότριοι ἐπανέστησαν ἐπ᾽ ἐμέ,

καὶ κραταιοὶ ἐζήτησαν τὴν ψυχήν μου·

οὐ προέθεντο τὸν θεὸν ἐνώπιον αὐτῶν.

διάψαλμα.

₆ἰδοὺ γὰρ ὁ θεὸς βοηθεῖ μοι,

καὶ ὁ κύριος ἀντιλήμπτωρ τῆς ψυχῆς μου.

₇ἀποστρέψει τὰ κακὰ τοῖς ἐχθροῖς μου·

ἐν τῇ ἀληθείᾳ σου ἐξολέθρευσον αὐτούς.

₈ἑκουσίως θύσω σοι,

ἐξομολογήσομαι τῷ ὀνόματί σου, κύριε, ὅτι ἀγαθόν·

₉ὅτι ἐκ πάσης θλίψεως ἐρρύσω με,

καὶ ἐν τοῖς ἐχθροῖς μου ἐπεῖδεν ὁ ὀφθαλμός μου.