PSALMI 127

Μακάριοι πάντες οἱ φοβούμενοι τὸν κύριον

οἱ πορευόμενοι ἐν ταῖς ὁδοῖς αὐτοῦ.

₂τοὺς πόνους τῶν καρπῶν σου φάγεσαι·

μακάριος εἶ, καὶ καλῶς σοι ἔσται.

₃ἡ γυνή σου ὡς ἄμπελος εὐθηνοῦσα

ἐν τοῖς κλίτεσι τῆς οἰκίας σου·

οἱ υἱοί σου ὡς νεόφυτα ἐλαιῶν

κύκλῳ τῆς τραπέζης σου.

₄ἰδοὺ οὕτως εὐλογηθήσεται ἄνθρωπος ὁ φοβούμενος τὸν κύριον.

₅εὐλογήσαι σε κύριος ἐκ Σιων,

καὶ ἴδοις τὰ ἀγαθὰ Ιερουσαλημ

πάσας τὰς ἡμέρας τῆς ζωῆς σου·

₆καὶ ἴδοις υἱοὺς τῶν υἱῶν σου.

εἰρήνη ἐπὶ τὸν Ισραηλ.