Psalmo 85

₂Tu san lašimasa tjire themesa, o Baro Del!

Tu andian le phanglen katar o Jakob;

₃Tu jertisardian e bezex tjire narodosko,

Tu ušiaradian sa leske bezexa;

₄Tu lian palpale sa tjiri xoli,

Tu ašilian anda tjiri xoli phabardi.

₅Tho ame palpale, o Del amare skipimasko!

Ašiav tjiri xoli pe amende!

₆Avesa tu xoliariko pe amende pe sakda?

Ningeresa tu tjiri xoli sogodi avela?

₇Či desa ame tu palpale o traio,

Eta ke te tjiro narodo veselil pe ande tute?

₈Baro Del! sikav amenge tjiro mištimos,

Ai de ame tjiro skipimos!

₉Me ašunava so phenela o Del, o Baro Del;

Ke vo del duma patiasa ka pesko narodo ai ka peske čače,

Eta te na peren von ande o dilimos.

₁₀E, lesko skipimos si paša kudala kai daran lestar,

Eta ke o vestimos te bešel ande amaro them.

₁₁O lašimos ai o čačimos arakhadion,

E kris ai e patia čimiden pe;

₁₂O čačimos bariol anda e phuv,

Ai e kris dikhel opral anda le čeri.

₁₃O Baro Del kadia dela e veselia,

Ai amari phuv dela le fruti.

₁₄E kris phirela angla leste,

Ai mukela leske pasuri pe e vurma.