1Ka o birevo kudalengo kai gjilaben. Psalmo le Davidoske. Gjili.
2Ažiukerimasa o Del! luvudina tu ande o Sion,
Ai kerena so phende ke keren tuke.
3O tu, kai ašunes o řudjimos!
Sa le manuš avena tute.
4Le bezexa mudaren ma:
Tu jertisares amare šibimata.
5Veselo kudo kai tu alos ai kai mukes les angla tute,
Te bešel ande tjire baria!
Ame veselisaras dragostar ande tjiro kher,
Ande o svintsimos tjire templosko.
6Ande tjiro dragomos, tu keres pe amari sar kames, Del kai skipil ame,
Kai ažiukeren anda le gora dural la phuviake ai la mariake!
7Vo ninkerel le plaia katar peski zor,
Vo si phanglo ande e zor;
8Vo ašiavel le mari kai bašen, le bašamos lenge talazonge,
Ai so buntuil pe o narodo.
9Kudala kai bešen ande le gora la lumiake daran katar so tu keres;
Tu pheres veselimos pe e rig čači ai pe e rig stingo.
10Tu phiraves tu pe e phuv ai tu des la but,
Tu pheres la barvalimasa;
O paiořo le Devlesko si pherdo;
Tu lašiares o gjiv, kana vi bariares le tu pe e phuv.
11Kana šiudes pai ande lake vurmi, teliares lake čika,
Tu kingiaresa la le brišinesa, tu svintsos lako barimos.
12Tu thos le kuroni le beršeske pe tjiri mištimata,
Anda tjire vudana pitial o mištimos;
13Le platski la pustake si pherde pai,
Ai le plaiořa si phangle veselimasa;
14Le čara si pherde bakriořa,
Ai le dolini uradion ande o gjiv.
Le tsipimata veselimaske ai le gjilia ašundion.
