1Ka o birevo kudalengo kai gjilaben. Pe e melodia «Na phag». Psalmo le Davidoske. Kana garadilo ande e groapa, našelas pala leste o Saul.
2T'avel tuke mila mandar, o Del, t'avel tuke mila mandar!
Ke ande tute muřo duxo rodel jekh kai te garadiol;
Me rodav kai te garadiovav tela e ušialin tjire phakengi,
Žikin le bedi nakhen.
3Me tsipiv pe o Del Mai Vučo,
Ka o Del kai kerel pala mande so me mangav.
4Vo tradela anda o čeri o skipimos,
Žikin muřo došalo prasal;
O Del tradela pesko mištimos ai pesko čačimos.
5Muřo duxo si maškar le lionuri;
Me sovav maškar le žene kai šiaden e pařa,
Maškar le manuš kai si le dand san xanře ai sulitsi,
Ai kai lengi šib ai jekh xanřo kai šinel.
6Vazde tu pe le čeri, o Del!
Ke o vestimos t'avel pe sa e phuv!
7Von thodesas jekh kletka tela muře pasuri:
Muřo duxo bangiolas;
Von hunade jekh groapa angla mande:
Von pele.
8Muřo ilo zurailo, o Del! muřo ilo zurailo;
Me gjilabava, me kerava te bašen muře strumenturi.
9Ušti, muřo duxo! ušten, muřo luto ai muři tsitura!
Me kerava t'uštel o diminiats!
10Me luvudiva tu maškar le naroduri, Baria!
Me gjilabava tu maškar le thema.
11Ke tjiro lašimos žial ži ande le čeri,
Ai tjiro čačimos ži ka le nuveria.
12Vazde tu pe le čeri, o Del!
Ke tjiro vestimos t'avel pe sa e phuv!
