Psalmo 56

₂T'avel tuke mila mandar, o Del Mai Vučo! ke manuš našen pala mande;

Sako dies keren marimos pe mande, von mesain ma.

₃Sako dies muře dušmaia našen pala mande;

Von si but, von aven marimasa pe mande san barimatansa.

₄Kana me sim ande e dar,

Ande tute dav ma.

₅Me luvudi ma ande o Del, ande leski vorba;

Me dav ma ande o Baro Del, či darava khanči:

So šai keren mange le manuš maseske?

₆Bi te terdion malaven muře čačimata,

Len si len les karing mande ferdi nasul ginduri.

₇Von den pe duma, von len sama, von dikhen pala muře vurmi,

Ke von kamen te len muřo traio.

₈Si katar e bezex ke von gindin pe ke šai skipin pe:

Ande tjiri xoli, o Del, peravel le narodon!

₉Tu gjines le pasuri muře traioske kai phiren;

Kjides muře asva ande tjiri kanta:

Nai von ramome ande tjiri kliška?

₁₀Muře dušmaia den palpale, o dies kai me tsipiv;

Me žianav ke o Del si mange.

₁₁Me luvudiv ma ande o Del, ande leski vorba;

Me luvudi ma ande o Baro Del ande leski vorba;

₁₂Me dav ma ka o Baro Del, či darava khanči:

So šai keren mange le manuš?

₁₃O Del! trubul te kerav so phendem ke kerav;

Me dava tu šukarimata.

₁₄Ke tu skipisardian muřo duxo katar o merimos,

Tu lian sama muře punře te na perav,

Eta te phirav angla o Del, ka e vedaria kai strefial le živinden.