Psalmo 55

₂O Del! tho kan ka muřo řudjimos,

Ai na de tu palpale katar so me rnangav!

₃Ašun mande, ai de ma anglal!

Me phirav katka ai kothe ande muřo nekazo ai miškiv ma,

₄Pala o hango le dušmanosko ai o pharimos le nasulesko;

Ke von keren te perel pe mande o nasulimos,

Ai našen pala mande xoliasa.

₅Muřo ilo isdral ande mande,

Ai le dara le merimaske len ma;

₆E dar ai o daraimos aven pe mande,

Ai o isdraimos kjidel ma.

₇Me phenav: O! t'avilinosas ma le phaka le gulumboske,

Me sas te vuriav, ai sas t'arakhav e hodina;

₈Eta, me našlemas dun,

Me gelemas te bešav ande e pusta.

₉Me skipisailemas sigo,

Mai sigo san e balval bari, ke o tumano.

₁₀Inčardo san khanči, Baria, hulav lenge šiba!

Ke me dikhav ande o foro buntuimos ai čingara;

₁₁Von žian diese ai riate krugom le ziduria;

E bezex ai e xitria si ande lesko kolin;

₁₂O nasulimos si maškar lende,

Ai o athaimos ai o xoxaimos či muken lenge thana.

₁₃Nai jekh dušmano kai del ma pe o lažiav, me ninkerava les;

Nai muřo dušmano kai uštel pe mande,

Me garadiovava angla leste.

₁₄Tu san, kai gindivas ke san sar mande,

Tu, kaste puřivas ma san muřo vortako!

₁₅Ande jekh than ame traisarasas ande jekh gugli vortečia,

Ame žiasas le narodosa ka o kher le Devlesko!

₁₆Ke o merimos te lel le,

Ke te vulen živinde kai si le mule!

Ke o nasulimos si ande lenge khera, maškar lende.

₁₇Ai me, me tsipiv pe o Del,

Ai o Baro Del skipila ma.

₁₈Riate, diminiats, ai ka mismeri, me phurdav ai vativ ma,

Ai vo ašunel muřo hango.

₁₉Vo skipila ma kana pašiona ai dela ma e patia,

Ke von si but pe mande.

₂₀O Del ašunela, ai vo peravela le,

Vo kai de sakda bešel pe pesko skamin amperatisko;

Ke nai ande lende te pařudion pe,

Ai von či daran katar o Del.

₂₁Muřo vortako spidias rigate peske vastensa kudalen kai sas patia lesa,

Vo šinel peski patia;

₂₂Lesko mui si mai kovlo san e smintina,

Numa o marimos si ande lesko ilo;

Lenge vorbi si mai kovle sar o vuloi,

Numa si xanře nange.

₂₃De tjiri diela ka o Baro Del, ai vo ninkerela tu,

Vo šoha či mukela te perel o vorta.

₂₄Numa tu, o Del! tu keresa te vulen ande o fundo la groapako;

Le manuš rateske ai athaimaske

Či aresena či dopaš ande penge diesa.

Ande tute me dav ma.