1Ka o birevo kudalengo kai gjilaben. Pe e fluta. Gjili le Davidoske.
2O prosto phenel ande pesko ilo: Nai Del!
Von rimosaile, von kerde bezexa žungale;
Nai či jekh kai kerel o mištimos.
3Del, opral anda le čeri, dikhel pe le šiave le manušeske,
Te dikhel t'avel vareso jekh godiaver,
Kai rodel le Devles.
4Sa dine rigate, sa si kurvaria;
Nai či jekh kai kerel mišto,
Či jekh.
5Kudala kai keren e bezex xasarde von e godji?
Von xan muře narodos, von len les san xamos;
Von či akharen le Devles.
6Atunči von isdran daratar,
Bi t'avel vareso te daran;
O Del šiudela le kokala kudalenge kai den vatra pe tute;
Tu peravesa le, ke o Del šiudias le.
7O! kon ankalavela anda o Sion o skipimos le Israelesko?
Kana o Del anela o phanglo narodo kai si lesko,
O Jakob avela ande e veselia, o Israel veselila pe.
