1Le Davidoske.
De ma kris, Baro Del! ke me phirav ande o čačimos,
Me patiav ande o Baro Del, me či perav.
2Zumav ma, Baro Del! dikh so sim,
Nakhav ande o bov muře brebiski ai muřo ilo;
3Ke tjiro šukarimos si angla muře jakha,
Ai me phirav ande tjiro čačimos
4Me či bešav le manušensa xoxamne,
Me či žiav le ženensa kai garadion;
5Mange vuřito e kumpania kudalengi kai keren nasul,
Me či bešav le nasulensa.
6Me xalavav muře vast ande so nai došalo,
Ai me žiav krugom tjiro altari, o Baro Del!
7Te phařadiuvav dragostar,
Ai te phenav sa tjire šukarimata.
8Baro Del! drago mange te bešav ande tjiro kher,
O than kai tjiro vestimos bešel.
9Na le muřo duxo le bezexalensa,
Muřo traio le manušensa ratenge,
10Kai lenge vast si mudarimaske,
Ai o čačo pherdo podarki!
11Me, phirav ande o čačimos;
Skipisar ma ai t'avel tuke mila mandar!
12Muřo punřo si zuralo ande o čačimos:
Me svintsova le Bare Devles ande le kumpani.
