Psalmo 129

Von dosta dukhade ma dekin simas terno,

Ke o Israel te phenel les!

₂Von dosta dine opral pa mande dekin simas terno,

Numa von či nirisarde ma.

₃Kai phařaven e phuv phařade muřo dumo,

Von šinde lungo řani.

₄O Baro Del si vorta:

Vo šindias le šele le nasulenge.

₅Ke von t'aven tele ai te den palpale,

Sa kudala kai vuřitsin o Sion!

₆T'aven sar e čar pe o čardako,

Kai šukiol angla savořende te len la!

₇Kudo kai lel, či pherel pesko vast,

Kudo kai kjidel e čar či pherel leski angali,

₈Ai kai nakhen či phenen;

Ke o svintsimos le Bare Devlesko t'avel pe tumende!

Ame svintsosaras tume ande o anav le Bare Devlesko!