Psalmo 128

Veselo o manuš kai daral katar o Baro Del,

Kai phirel ande leske vurmi!

₂Tu veselis tu atunči anda e butji tjire vastengi,

Tu san veselo, tu baxtailian.

₃Tjiri řomni si sar jekh rez kai del

Andre ande tjiro kher;

Tjire šiave si sar le kopačia le maslinengi,

Krugom e skafidi.

₄Kadia si svintsime

O manuš kai daral katar o Baro Del.

₅O Baro Del svintsola tu anda o Sion,

Ai tu dikhesa o rado ande o Jerusalem

Sa le diesa tjire traiosko;

₆Tu dikhesa le šiave tjire šiavenge.

Ke e patia t'avel pe o Israel!