Psalmo 124

Bi le Bare Devlesko kai lel amendar sama,

— O Israel te phenel les —

₂Bi le Bare Devlesko kai lel amendar sama,

Kana le manuš ušten pe amende,

₃Von sas te tasaven ame živinde,

Kana lengi xoli phabol pe amende;

₄Atunči le paia sas te den opral pa amende,

Le paia sas te nakhen pe amaro duxo;

₅Atunči le paia sas te den opral pa amende,

Le bare paia.

₆Svintsime t'avel o Baro Del,

Kai či dias ame te xan ame lenge dand!

₇Amaro duxo skipisailo sar e čirikli anda e setka

kudalengi kai kjiden čiriklia;

E setka šindili, ai ame skipisailiam.

₈Amaro ažutimos si ande o anav le Bare Devlesko,

Kai kerdias le čeri ai e phuv.