Psalmo 113

₁Luvudin le Bare Devles!

Služi le Bare Devleske, luvudin,

Luvudin o anav le Bare Devlesko!

₂Ke o anav le Bare Devlesko t'avel svintsime,

De akanara ai pe sakda!

₃De katar uštel o kham ži kai si te perel,

Ke o anav le Bare Devlesko t'avel vestime!

₄O Baro Del Si opral sa le thema,

Lesko barimos si opral le čeri.

₅Kon si jekh fialo sar o Baro Del, amaro Del?

Lesko kher si opre;

₆Vo dikhel tele

Pe le čeri ai pe e phuv.

₇Anda e kišai vo tsirdel le čořes,

Anda e gosni vo ankalavel le prostos,

₈Kerel te bešen le barensa,

Le barensa katar pesko narodo.

₉Vo del jekh kher kudalake kai naštil t'avel la glati,

Vo kerel t'avel jekh dei veselo maškar peske šiave.

Luvudin le Bare Devles!