1Luvudin le Bare Devles!
Veselo o manuš kai daral katar o Baro Del,
Kai arakhel jekh bari dragostia kai leske poronki.
2Leski vitsa avela zurali pe e phuv,
E vitsa le manušengi čače avela svintsime.
3Si ande lesko kher mištimos ai barvalimos,
Ai leski kris bešela pe sakda.
4O vedaria uštel ande o tuniariko le manušenge vorta,
Kudaleske kai si miloso, milako ai vorta.
5Veselo o manuš kai si leske mila ai kai del vužile,
Kai kerel peski dieli pala e kris!
6Ke vo či perel šoha;
O gindo kudalesko kai si vorta žiala pe sakda.
7Na dara katar le nasul vesti;
Lesko ilo Si phandado, patial pe ande o Baro Del.
8Lesko ilo si zuriardo; či trubul te daral,
Žikin či avela leske drago te dikhel peske dušmanon.
9Vo nai xanvalo, vo del ka le prosti;
Leski kris bešela pe sakda;
Lesko šero uštela vestimosa.
10O nasul dikhel les ai xoliavol,
Vo grintsil le dand ai phabol,
So mangen le nasul xasavol.
