St. Maheu 21

₁El ma tosté Jesus de Jerusalem, ha pe oent deid de Vethfage, tost de vané Olivèd, ean e zavaias deu ag é zisciplèd é raug,

₂En ul laret: Quêrhet d’er vourc’h e zou dirac‐hoh, ha hui e gavou un azennès staguet, hag hé hébêl ital d’hi: distaguet ind ha digasset ind t’eign.

₃Ha mar goulennér guet‐n‐oh, perac é ret quement‐cé, laret en en dès en Eutru d’hobér anehai, ha quentéh ean hou lausquou de vonnet.

₄Mæs quement‐cé ol e zou digoéhet aveid laquat de vout é guirioné er péh e oé bet laret dré er profæd én ul laret:

₅Laret d’er verc’h Sion: Chetu hou roué e za devad‐oh cunff, hag azéet arh un azennès, hag arh en azen bihan, en hani e zou idan er iôg.

₆En disciplèd enta é yas hag e hras él ma oé bet gourhemennet dehai.

₇Hag ind e gassas de Jesus en azennès hag hé hébêl, hag ou golas gued ou dillad hag e laquas Jesus de chouquein arh nehi.

₈Un nivéh bras a dud e lédé ou dillad én hent, lod arall e drohé barreu gué, hag ou zaulé él léh ma telié tremeine.

₉Har er ré en helié e laré a voéh ihuél: Hosanna de Vab David! Revou beniguet en hani e za aberh Doué! hosanna é lein en Nean.

₁₀Ha pe oé oeid é Jerusalem, ol dud a kær e oé bâmet hag e laré: Pihue é honnéh?

₁₁Hag e ré e oé guet hou e laré: Honnéh é Jesus er profæd péhani e zou a Nazareth é Galile.

₁₂Ha Jesus e yas é Ty‐Doué, hag e cassas er mæz er ré ol e huerhé pé e brené é Ty‐Doué, hag e tiscarras taulieu er varadision argant ha cadoérieu er varadision clomet.

₁₃Hag e laras dehai: Scrihuet‐é, Me zy e vou galhuet en ty a beden, mæs hui e hoès groeit anehou ur groh laëron.

₁₄Nezé en dud dall hag er ré gam e zas d’en gavouèt én Ty‐Doué, hag ean e yahas anehai.

₁₅Mæs pe huélas er Pen‐Vêlean er vurhudeu e hré, hag er vugalé péré e huché én Ty‐Doué: Hosanna de Vab David! e sàüas droug én ou calonneu.

₁₆Hag ind e laras dehou: Ha cleuein e hrér er péh e lare er ré‐men? Ia, emé Jesus dehai, ha ne hoès hui leinet biscoah penaus ag er vêg er vugalé hag ag er ré e zou arh er vron, e tennér er guellan mêledigueah?

₁₇Hag ean ou lausquas ino, hag e yas er mæz ag er gær, é Bethania, hag e chomas ino.

₁₈D’er vitin pe zistroé é kær, en doé nan.

₁₉Hag e huélas ur figuézen arh é hent, hag e tostas dehou, ha ne gavas nitra arh‐n‐hi, meid deliàu hemp quin, hag ean e laras d’é zisciplèd: Re zei birhuiquin fréh ebed arh‐anoh, ha quentéh er figuézen e séhas.

₂₀Ha pe huélas en disciplèd en dra‐zé e oent bâmet, én ul laret: Penaus é ma bet séhet quentéh er figuézen?

₂₁Mæs Jesus e laras dehai: E guirioné m’el lare d’oh: Mar hou pehé fé, ha mar ne vehoh quet in arvar, n’é quet diarben er figuézen hemp quin, e rehoh él‐cé, mæs ehué ma larehoh d’er mané‐men: Sàüet hag hum taulet ér môr, quément‐cé e vehé groeit.

₂₂Ha quement tra ma houlehennet guet fé ér beden, e vou reit d’oh.

₂₃Ha pe oé oeid én Ty‐Doué, er Pen‐Vêlean hag er Ré‐Gouh ag en dud e dostas dehou él me oé de perdêg, hag ind e laras: Aberh pihue e hrét hui quement‐cé? ha pihue en dès reit t’oh er guelloud‐zé.

₂₄Ha Jesus e laras: Mé houlenou ehué guet‐n‐oh un dra, ha mar el laret t’eign, larein e rein ehué d’oh a berh pihue e hran en treu‐zé.

₂₅Badient Yehan a beban é ma ean deit? Pé ag en Nean, pé ag én dud? Mæs ind e gonzas étré‐z‐hai hag e laras:

₂₆Mar laramp ag en Nean, ean e larou d’omp: Perac enta ne hoès hui credet dehou? ha mar laramp ag en dud, e zeleamb gavouèt eun dirac en dud; rac en ol e guemér Yehan aveid ur profæd.

₂₇Hag ind e rescondas hag e laras de Jesus: Ne houyamb quet. Hag ean e laras tehai: Ha mé ne larein quet t’oh a berh pihue e ran quement‐cé.

₂₈Mæs petra e chonget‐hui? un dén en doé deu vab; hag ean e yas de gavouèt er hetan hag e laras dehou: Me mab, quêrhet hinihue de labourat ém huiniêcg.

₂₉Mæs ean e laras: Ne hein quet. Mæs goudé e tas quæ dehou, hag e yas.

₃₀Donnet e hras ehué de gavouèt er guilé hag e laras dehou en haval dra, hag hènnén e laras: monnet e hran, Eutru; mæs ean ne yas quet.

₃₁Péhani ag en deu‐zé e hras vennedigueah é dad? Ind e laras dehou: Er hetan. Jesus e laras dehai: E guirioné m’el lare d’oh penaus er bublikénèd hag er guistri hou tiarauguei é Ranteleah Doué.

₃₂Rac Yehan e zou deid d’hou gavouèt én hént ag er huirioné, ha n’hoès quet credet dehou: Mæs er bublikénèd hag er guistri en dès credet dehou: Ha hui goudé en dout guélet quement‐cé n’hoès quet bet a hæ, ha n’hoès quet credet dehou.

₃₃Cheleuet ul lavar‐cuhet arall. Bout e oé ur Pentiec péhani e blantas ur huiniêg, hag e hras ur hrleu en drô dehi, hag e zàüas ur houasquel hag un tour; hag er hras a gôbr de labourision, hag ean e yas d’ur vrô pell.

₃₄Ha pe dosté amzér er fréh, ean e gassas é vehuelion trema er labourision, aveid dastumat fréh é huiniêg.

₃₅Mæs er labourisiou goudé en dout croguet én é vehuélion e scoas arh unan, e lahas er guilé hag e veinas un arall.

₃₆Cassein e hras arré mehuélion arall calz muioh eid araug, hag ind e hras dehai un haval dra.

₃₇En tu dehuéhan ean e cassas dehai é vab é‐unan én ul laret: Doujein e reint me mab.

₃₈Mæs er labourision én ur huélet er vab e laras étré‐z‐hai: Hennéh é er minour, deid, lahamb anehou, ha queméramb é zanné.

₃₉Ha goudé en dout croguet én er minour, ind e taulas anehou en tu arall d’er huiniêg, hag el lahas.

₄₀Pe zei enta eu Eutru er huiniêg, petra e hrei‐ean d’el labourision?

₄₁Ind e laras dehou: Dismantein e hrei quentéh en dud droug‐zé; hag e hrei é huiniêg a gôbr de labourision arall, péré e hrei dehou é fréh én ou amzér.

₄₂Jesus e laras dehai: Ha n’hoès hui biscoah leinet ér scritur: Er mein en dés taulet er ré e oé de hleuiat e zou deid de vout er pen‐mein ag er horn: guet en Eutru é ma bet groeit quement‐cé, hag en dra souéhus éma d’hou teulegad?

₄₃Dré‐zé m’el lare d’oh, Penaus Ranteleah Doué e vou lamet a guet‐n’oh, ha reit d’ur bobl péhani el laquou de rein fréh.

₄₄Ha pihue‐benac e gouéhou arh er mein‐zé e vou torret; hag arh pihue‐benac e gouéhou er mein‐zé e vou mahignet.

₄₅Ha pe gleuas er Pen‐Vêlean hag er Pharisiénèd é lavar‐cuhet, ind hanàuas penaus e gonzé ag anehai.

₄₆Hoant ou doé de croguein arh ne hou, mæs eun ou doé dirac en dud, rac ind e gueméré anehou aveid ur profæd.