Genes 35

₁Ha Doue a lavaraz da Jacob: Sav, pign da Vethel, ha chom eno, ha gra eno eun aoter d’an Doue en em ziskouezaz d’id pa oaz o tec’het araog Esaü da vreur.

₂Neuze Jacob a lavaraz da dud he di ha d’ar re holl a oa ganthan: Lammit kuit an doueou estranjour a zo en ho touez, hag en em walc’hit ha chenchit ho tillad;

₃ha savomp ha pignomp da Vethel, hag e rin eno eun aoter d’an Doue hen deuz respontet d’in e dervez va anken, hag a zo bet gauen epad va beach.

₄Neuze e rojont da Jacob an holl doueou es-tranjour a oa ganthe, hag ar rillennou a oa ouz ho diou-skouarn; ha Jacob ho c’huzaz en douar dindan ar vezen dero a oa tost da Sichem.

₅Goude-se ez ejont kuit. Ha Doue a skoaz gant ar spont ar c’heariou a oa tro-var-dro; ha den na gredaz mond var lerc’h mibien Jacob.

₆Ha Jacob a zeuaz da Luz, lez-hanvet Bethel, a zo e bro Canaan, hen hag an holl bobl a oa ganthan.

₇Hag e savaz eno eun aoter, hag e c’hanvaz al leac’h-se: El-Bethel (Doue Bethel); rag eno eo en em ziskouezaz Doue d’ezhan pa oa o tec’hat araog he vreur.

₈Ha Debora, magerez Rebecca a varvaz; hag e oe sebeliet izelloc’h eged Bethel dindan ar vezen dero a oe hanvet Allon-Bacuth (dero an daelou).

₉Ha Doue en em ziskouezaz c’hoas da Jacob, pa oa o toud euz Paddan-Aram; hag e roaz he venuoz d ezhan.

₁₀Ha Doue a lavaraz d’ezhan: Da hano a zo Jacob; breman ne vezi mui hanvet Jacob, mes lsrael a vezo da hano. Hag e roaz d’ezhau an hano a Israel.

₁₁Ha Doue a lavaraz d’ezhan: Me eo au Doue Holl-Galloudec. C’resk ha dalc’h da greski. Eur bobl, ha zo-ken eun niver braz a boblou a zavo diouz’id, rouaned a zeuio euz da wenn.

₁₂Ha me a roio d’id ar vro em euz roet da Abraham ha da Isaac, hag e roin ar vro-man d’az lignez var da lerc’h.

₁₃Ha Doue a zavaz diganthan euz ar plas m’hen doa kornzet, outhan.

₁₄Ha Jacob a zavaz eur mean el leac’h m’hen doa Doue komzet outhan, hag e strinkaz dour, hag e skuillaz oleo var-n’ezhan.

₁₅Ha Jacob a hanvaz al leac’h m’hen doa komzet Doue outhan Bethel (Ti Doue).

₁₆Hag ez ejont kuit, euz a Vethel, ha pa zeuaz Rachel da willioudi, ho devoa c’hoas eur pennad hent da ober a-ben eruoud en Ephrath. Ha Rachel he doe eur gwall dro da willioudi.

₁₇Ha dre m’he doa kalz a boan, an amiegez a lavaraz d’ezhi: Na’z pe ket a aoun, rag eur mab ec’h euz c’hoas.

₁₈Ha pa oa o renta he ene, rag mervel a reaz, e c’hanvaz anezhan Benoni (mab va foan), mes he dad a hanvaz anezhan Benjamin (mab va dorn deou).

₁₉Rachel a varvaz eta hag a oe sebeliet var hent Ephrath, a c’halver Bethlehem.

₂₀Ha Jacob a zavaz eur bez var-n’ezhi; hennez eo bez Raehel, hag a zo c’hoas hirio en he za.

₂₁Neuze Israel a ieaz kuit, hag e savaz he dan-ten en tu-all da Vidgal-Eder (Tour an denved).

₂₂Hag e c’hoarvezaz epad ma oa Israel o chom er vro-ze, ma teuaz Ruben, hag e kouskaz gant Bilha, unan ac’hragez Jacob; hag Israel a glevaz an dra-ze. Hogen Jacob hen doa daouzec mab.

₂₃Mibien Lea: Ruben, kenta ganet da Jacob, Simeon, Levi, Juda, Issacar ha Zabulon.

₂₄Mibien Rachel: Joseph ha Benjamin.

₂₅Mibien Bilba, servicherez Rachel: Dan ha Nephthali.

₂₆Ha mibien Zilpa, servicherez Lea: Gad hag Asser. Ar re-ze eo mibien Jacob, a oe ganet d’ezhan e Paddam-Aram.

₂₇Ha Jacob a zeuaz etrezeg Isaac he dad, da Vamre, da Giriath-Arba, lez-hanvet Hebron, e-leac’h ma oa bet Abraham hag Isaac o chom.

₂₈Ha buez Isaac a badaz nao-ugeut vloaz.

₂₉Hag Isaac a varvaz, hag ez eaz da gavoud he dud koz, oajet braz, ha leun a vloavezjou; hag Esaü ha Jacob, he zaou vab, a zebeliaz anezhau.