Genes 11

₁HOGEN ne oa var an douar nemed eur iez; an holl a gomze ar memes langach.

₂Mes choarvezoud a reaz, evel maz eant var-zu bro ar Sav-heol, ma kavjont eur blenen e bro Shinear, hag e choumjont enhi.

₃Hag e leverjont an eil d’egile: Deomp-ta, greomp brikennou ha poazomp anezhe en tan. Hag ho doe brik e-leac’h mein, ha godron e-leac’h pri.

₄Hag e leverjont: Deomp, savomp eur gear hag eun tour hag a ielo beteg an env, ha lakomp hon hano da veza brudet dre-holl gant aoun ne vemp dispartiet hag hadet dre ar bed holl.

₅Hag an Aotrou a ziskennaz da velet ar gear hag an tour a oa bet savet gant bugale an dud.

₆Hag an Aotrou a lavaraz: Setu, n’ed int nemed eur bobl, ha n’ho deuz nemed eur iez hep-ken ha setu aze petra ho deuz commanset da ober; netra na hello breman miret outhe da ober ar pez ho deuz lakeat en ho fen.

₇Deomp eta, diskennomp ha lakomp anezhe da gomz dishenvel an eil ouz egile en hevelep doare ma na helliut ket eu em glevet etre’zhe.

₈Hag an Aotrou ho skuillaz ac’haue var fac an douar holl, hag e chomaz ar gear da zevel.

₉Setu perag ar gear-ze a oe hanvet Babel (kemesk); rag an Aotrou a gemeskaz eno iez ar bed holl, hag ho c’hassaz ac’hane hag a skuillaz anezhe dre holl vroiou an douar.

₁₀Setu aman lignez Sem: Sem oajet a gant vloaz hen devoe eur mab Arpacshad, daou vloaz goude an diluj.

₁₁Ha Sem goude m’hen doe bet Arpacshad, a vevaz pemp cant vloaz; hag hen doe mibien ha merc’hed.

₁₂Hag Arpacshad a vevaz pemp bloaz ha tregont, hag a oe tad da Shelach.

₁₃Hag Arpacshad, goude m’hen doe bet Shelach, a vevaz pevar c’hant ha tri bloaz; hag hen doe mibien ha merc’hed.

₁₄Ha Shelach a vevaz tregont vloaz, hag a oe tad da Heber.

₁₅Ha Shelach, goude m’hen doe bet Heber, a vevaz pevar c’hant tri bloaz, hag hen doe mibien ha merc’hed.

₁₆Hag Heber a vevaz pevar bloaz ha tregont, hag a oe tad da Beleg.

₁₇Hag Heber, goude m’hen doe bet Peleg, a vevaz pevar c’hant tregont vloaz, hag hen doe mibien ha merc’hed.

₁₈Ha Peleg a vevaz tregont vloaz hag a oe tad da Rehu.

₁₉Ha Peleg, goude m’hen doe bet Rehu, a vevaz daou c’hant nao vloaz; hag hen doe mibien ha merc’hed.

₂₀Ha Rehu a vevaz daou vloaz ha tregont, hag a oe tad da Serug.

₂₁Ha Rehu, goude m’hen doe bet Serug, a vevaz daou c’hant seiz vloaz; hag hen doe mibien ha merc’hed.

₂₂Ha Serug a vevaz tregont vloaz, hag a oe tad da Nachor.

₂₃Ha Serug, goude m’hen doe bet Nachor, a vevaz daou c’hant vloaz; hag hen doe mibien ha merc’hed.

₂₄Ha Nachor a vevaz nao bloaz var-n’ugent, hag a oe tad da Dhare.

₂₅Ha Nachor, goude m’hen doe bet Thare, a vevaz naontec vloaz ha cant; hag hen doe mibien ha merc’hed.

₂₆Ha Thare a vevaz deg vloaz ha tri-ugent, hag a oe tad da Abram, da Nachor ha da Haran.

₂₇Setu aman lignez Thare: Thare a oe tad da Abram, da Nachor ha da Haran; hag Haran a oe tad da Lot.

₂₈Hag Haran a varvaz dirag Thare, he dad, er vro ma oa ganet, er gear a Ur, e bro ar Galdeaned.

₂₉Hag Abram ha Nachor a gemeraz priejou. Pried Abram a oa Saraï he hano, ha pried Nachor a oa Milca, merc’h da Haran, tad da Vilca ha tad da Jisca.

₃₀Mes Saraï a oa difrouez; n’he doa bugel e-bed.

₃₁Ha Thare a gemeraz Abram he vab, ha Lot mab Haran, he vab bihan, ha Saraï, he verc’h kaer, greg Abram he vab, hag ez ejont assambles euz a Ur, bro ar Galdeaned, evit mond da vro Canaan. Hag e teujont beteg Charan, hag e chomjont eno.

₃₂Ha dervechou Thare a badaz daou c’hant pemp bloaz; ha neuze Thare a varvaz e Charan.